Urad Ukrainy pryznačyŭ pažyćciovuju stypiendyju baćkam zahinułaha Hieroja Niabiesnaj Sotni Michaiła Žyźnieŭskaha.
Jak paviedamili ŭ pres-słužbie Ministerstva sacyjalnaj palityki, adpaviednaje rašeńnie było zaćvierdžana ŭ pastanovie «Ab pažyćciovaj stypiendyi pamiaci M. Žyźnieŭskaha».
«U vykanańnie Ukaza prezidenta my pryznačyli pažyćciovuju stypiendyju baćkam Hieroja Niabiesnaj Sotni Michaiła Žyźnieŭskaha, hramadzianina Respubliki Biełaruś, jaki addaŭ svajo žyćcio za budučyniu Ukrainy», — skazaŭ ministr sacyjalnaj palityki Pavieł Razienka.
«Pamier pažyćciovaj stypiendyi baćkam Hieroja — Michaiłu Piatroviču i Ninie Vasiljeŭnie, jakija žyvuć u Biełarusi, składzie 3250 hrn kožnamu», — paviedamiŭ jon.
Adznačajecca, što pieravod stypiendyi ŭ Biełarusi budzie ažyćciaŭlać Departamient sacyjalnaj abarony nasielnictva Čarnihaŭskaj abłdziaržadministracyi paštovym pieravodam praz «Ukrpoštu» pa miescy faktyčnaha pražyvańnia baćkoŭ Žyźnieŭskaha.
Vydatki na vypłatu i dastaŭku pažyćciovaj stypiendyi buduć finansavacca sa srodkaŭ dziaržbiudžetu pa prahramie «Dziaržaŭnyja pažyćciovyja stypiendyi», dadali ŭ viedamstvie.
Hramadzianin Biełarusi Michaił Žyźnieŭski zahinuŭ ad kuli 22 studzienia 2014 hoda na vulicy Hrušeŭskaha ŭ Kijevie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary