Pamierła piśmieńnica Charpier Li, aŭtarka ramana «Zabić pieraśmiešnika»
Amierykanskaja piśmieńnica Charpier Li, jakaja prasłaviłasia dziakujučy ramanu «Zabić pieraśmiešnika», pamierła na 90-m hodzie žyćcia.
Paviedamleńni pra śmierć piśmieńnicy paćvierdziła meryja jaje rodnaha horada Manravil, dzie jana žyła apošnija niekalki hadoŭ. Pryčyna śmierci piśmieńnicy nie ŭdakładniajecca.
Charpier Li naradziłasia ŭ 1926 hodzie. U 1950-ch hadach jana vyrašyła stać piśmieńnicaj i napisała niekalki apaviadańniaŭ, a ŭ 1959 hodu skončyła svoj raman «Zabić pieraśmiešnika», jaki prynios joj suśvietnuju słavu.
Apublikavany ŭ 1960-m hodzie raman staŭ bestseleram i zastajecca im da hetaha času. Jon pierakładzieny na niekalki moŭ, a ekranizacyja tvora, źniataja Chortanam Futam, atrymała premiju «Oskar».
Niahledziačy na hučny pośpiech ramana, Li bolš tak i nie napisała nivodnaha zakončanaha tvora i stała paźbiahać publičnych vystupaŭ.
Tym nie mienš, u 2015 hodzie jana pahadziłasia dapracavać i vydać raman «Idzi pastaŭ vartaŭnika», jaki jana pisała jašče da «Zabić pieraśmiešnika», ale jaki tak i nie vyjšaŭ u tyja časy.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku65
Kamientary