14 lipienia ŭ prodažy źjavicca praciah kultavaha ramana «Zabić pieraśmiešnika»
Novaja kniha amierykanskaj piśmieńnicy Charpier Li nazyvajecca «Idzi, pastaŭ vartaŭnika».
Haziety The Wall Street Journal i The Guardian apublikavali pieršy raździeł novaha ramana amierykanskaj piśmieńnicy Charpier Li «Go Set a Watchman» («Idzi, pastaŭ vartaŭnika»)
Całkam pieršy za 55 hadoŭ raman Charpier Li trapić u prodaž u aŭtorak, 14 lipienia. Pieradzamović knihu, u pryvatnaści, možna na Amazon za 16 dalaraŭ. Pa słovach pradstaŭnikoŭ vydaviectva HarperCollins, pastupiła rekordnaja kolkaść pieriedzamovaŭ.
Raman «Idzi, pastaŭ vartaŭnika» vyjdzie nakładam u dva miljony asobnikaŭ. Charpier Li napisała knihu ŭ 1950-ja, adnak vyrašyła nie publikavać jaje, a paźniej raman zhubiŭsia. Knihu znajšli tolki ŭvosień 2014 hoda.
Raman stanie praciaham knihi «Zabić pieraśmiešnika». Hałoŭnyja hieroi «Idzi, pastaŭ vartaŭnika» - advakat Atykus Finč i jaho dačka Skaŭt. U ramanie raspaviadajecca pra padziei 1950-ch ad asoby Skaŭt.
«Skaŭt vymušana zmahacca z palityčnymi i asabistymi prablemami, u toj ža čas jana sprabuje zrazumieć staŭleńnie jaje baćki da hramadstva, a taksama svaje ŭłasnyja pačućci da miesca, dzie naradziłasia i praviała dziacinstva», - raspaviała Charpier Li ab novym ramanie.
Raman «Zabić pieraśmiešnika» vyjšaŭ 11 červienia 1960. Praz hod Charpier Li dali Pulitceraŭskuju premiju. U 1999 hodzie amerykanski «Biblijatečny časopis» pryznali knihu «Najlepšym ramanam stahodździa». Ekranizacyja ramana atrymała «Oskar».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy53
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary