U Biełarusi zaćvierdžany pieralik vysokarentabielnych arhanizacyj, jakija buduć pieraličvać u respublikanski biudžet u dziaržaŭny metavy biudžetny fond nacyjanalnaha raźvićcia častku prybytku (dachodu) pa vynikach pracy za 2015 hod. Heta praduhledžana pastanovaj Savieta ministraŭ ad 15 lutaha 2016 h. № 121, paviedamlaje pres-słužba ŭrada.
U pieralik uvajšli 29 pradpryjemstvaŭ, u tym liku AAT «Biełaruśkalij», AAT «MAPID», «Minskprajekt», «Biełtelekam», AAT «Ekzon», «Minskinterkaps», «Biełdziaržstrach», «Biełeksimharant», «Biełźniešpramservis» i inšyja.
Najbolšuju sumu ŭ biudžet pavinien budzie pieraličyć «Biełaruśkalij» — 158,7 młrd rubloŭ. Na druhim miescy — «Biełtelekam», vypłaty jakoha pavinny skłaści 115,7 młrd rubloŭ.
U adpaviednaści z pastanovaj vysokarentabielnyja arhanizacyi buduć pieraličvać častku prybytku pa vynikach pracy za 2015 hod štomiesiac, pačynajučy ź lutaha 2016 hoda, roŭnymi dolami da 1 lipienia 2016 hoda.
Ministerstvam i viedamstvam, abłvykankamam i Minharvykankamu daručana ažyćciaŭlać kantrol za svoječasovaściu i paŭnatoj vypłaty ŭ respublikanski biudžet častki prybytku vysokarentabielnymi arhanizacyjami, jakija znachodziacca ŭ ich padparadkavańni (jakija ŭvachodziać u ich skład) albo akcyi (doli ŭ statutnych fondach) jakich znachodziacca ŭ ich upraŭleńni.
Ministerstva finansaŭ da 31 studzienia 2017 hoda pavinna pradstavić u Saviet ministraŭ źviestki ab vykanańni dadzienaj pastanovy.
Pastanova nabyvaje moc paśla jaje aficyjnaha apublikavańnia.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary