Ministerstva handlu hatovaje razhledzieć mahčymaść źniaćcia abmiežavańniaŭ z prodažaŭ ałkaholu ŭ internet-kramach krainy, kali takoje pytańnie paŭstanie na paradku dnia.
Pra heta zajaviła načalnik upraŭleńnia arhanizacyi handlu i pasłuh Ministerstva handlu Vijaleta Brazoŭskaja padčas kruhłaha stała «Na svaim poli: jak biełaruskamu vytvorcu ułasny rynak nie vypuścić», jaki adbyŭsia ŭ pres-centry BIEŁTA.
Rehulavańnie prodažu ałkaholnaj pradukcyi, dy i luboj inšaj, jakaja maje śpiecyfičnyja asablivaści, u roznych krainach viadziecca roznymi sposabami. U Biełarusi aptovy i roźničny handal ałkaholem — heta licenzavany vid dziejnaści, heta značyć subjekty handlu abaviazanyja vykonvać peŭnyja patrabavańni, ustanoŭlenyja zakanadaŭstvam, padkreśliła Vijaleta Brazoŭskaja. U pryvatnaści, pradavać ałkahol možna tolki ŭ kramie, paviljonie z handlovaj płoščaj 50 kv.m i bolš, nielha pradavać ałkahol u drobnaroźničnaj sietcy, u pamiaškańniach, dzie raźmieščanyja ŭstanovy adukacyi, arhanizacyi achovy zdaroŭja, dziciačyja teatralna-vidoviščnyja i kulturna-aśvietnickija ŭstanovy, internaty, z prymianieńniem internet-technałohij.
«Hetyja abmiežavańni skłalisia histaryčna, dziejničajuć šmat hadoŭ i niaŭchilna vykonvajucca», — adznačyła pradstaŭnik Minhandlu.
Zrešty, mnohija pytańni, ličyć načalnik upraŭleńnia Ministerstva handlu, tolki zabaronami nie vyrašyš. «My razumiejem, što nieabchodna raźvivać nacyjanalny handal, u tym liku i anłajn, i kali pytańnie — ci dazvalać handal ałkaholem praź internet-kramy — budzie pastaŭlenaje, jaho nieabchodna abmierkavać z hramadskaściu, biznes-sajuzami, vytvorcami, pravaachoŭnymi i padatkovymi orhanami, pakolki heta tavar śpiecyfičny», — upeŭnienaja Vijaleta Brazoŭskaja.
Kamientary