U Barysavie adbyłasia ŭciečka hazu. Zadychnulisia šeść čałaviek u dźviuch kvaterach, u tym liku dvoje dziaciej
Śledčyja vyśviatlajuć abstaviny hibieli.
Učora pozna ŭviečary ŭ MNS ad dziažurnaha avaryjnaj hazavaj słužby PU «Barysaŭhaz» pastupiła paviedamleńnie pra nieabchodnaść akazańnia dapamohi ŭ adkryćci dźviarej u kvaterach trochpaviarchovaha doma pa vulicy Dniaproŭskaj. U chodzie vyśviatleńnia abstavinaŭ atrymana infarmacyja, što raniej u kvatery na trecim paviersie vyjaŭlenyja dvoje zahinułych pažyłych ludziej).
Ratavalniki pa trochkalennaj leśvicy pranikli ŭ kvateru, raźmieščanuju na pavierch nižej, na druhim paviersie, dzie byli znojdzieny cieły čatyroch čałaviek, u tym liku dvaich dziaciej (10 i 17 hadoŭ).
Abstaviny hibieli ludziej vyśviatlajucca Hałoŭnym śledčym upraŭleńniem Śledčaha kamiteta.
Pryznačany šerah ekśpiertyz, razhladajucca roznyja viersii trahiedyi, u tym liku niaspraŭnaść hazavaha abstalavańnia.
Pieršym namieśnikam staršyni Śledčaha kamiteta, što kaardynuje pracu na miescy zdareńnia, raspačata kryminalnaja sprava pa art. 428 Kryminalnaha kodeksa Respubliki Biełaruś pa fakcie nienaležnaha vykanańnia słužbovych abaviazkaŭ słužbovymi asobami MPU «Barysaŭmižrajhaz», što paciahnuła hibiel šaści čałaviek.
U ciapierašni čas śledčymi vyvučajecca kanfiskavanaja ŭ adpaviednych arhanizacyj dakumientacyja, dapytvajucca śviedki. Pryznačanyja ekśpiertnyja daśledavańni.
Psichołahi MNS akazvajuć dapamohu svajakam zahinułych.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary