Za minułyja sutki ŭ staličnuju słužbu chutkaj miedycynskaj dapamohi z pryčyny hałalodnych traŭmaŭ źviarnuŭsia 21 čałaviek.
Pra heta paviedamiŭ hałoŭny śpiecyjalist adździeła pravavoj raboty i arhanizacyi miedycynskaj abarony pry nadzvyčajnych situacyjach kamiteta pa achovie zdaroŭja Minharvykankama Mikałaj Tukała.
«Kali 25 studzienia słužba chutkaj zarehistravała ŭsiaho adzin zvarot z pryčyny hałalodnych traŭmaŭ, to 26 studzienia — 21. Vinoj tamu hałalodzica, da jakoj pryviali rezkija pierapady tempieratury i apadki», — skazaŭ Mikałaj Tukała.
Kab paźbiehnuć hałalodnych traŭmaŭ, śpiecyjalisty rajać chadzić pa darohach, apracavanych śpiecyjalnaj sumieśsiu. Niemałavažny momant u prafiłaktycy hałalodnaha traŭmatyzmu — naležny abutak.
Pieravažniej — na płoskaj ryflenaj padešvie, z dobrym pratektaram. Abcas pavinien być šyrokim, nie vyšej za 3—4 sm. Akramia taho, miedyki rajać karystacca ŭ zimovy čas ledastupami — admysłovymi humovymi nakładkami dla abutku suprać ślizhańnia.
Kab minimizavać ryzyku padzieńnia, daktary rekamiendujuć pierasoŭvacca ŭ hałalod pavolna, jak by ślizhajučy. Kali adčuli, što hublajecie raŭnavahu, treba prysieści, kab pamienšyć vyšyniu padzieńnia, łokci prycisnuć da bakoŭ, a hałavu ŭciahnuć.
Pry hetym padać lepš na bok.
Pavaliŭšysia, nie varta adrazu ž uskokvać, nieabchodna acanić situacyju. Kali niešta balić, varta źviarnucca pa dapamohu da ludziej, što pobač, abo źviarnucca pa mieddapamohu.
Kamientary