U 2016 hodzie realizacyja Nacyjanalnym bankam kursavoj i pracentnaj palityki budzie padparadkavana zadačy efiektyŭnaha kiravańnia hrašovaj prapanovaj.
Pra heta zajaŭlena ŭ Asnoŭnych napramkach hrašova-kredytnaj palityki Respubliki Biełaruś na 2016 hod, jakija zaćvierdžany 18 śniežni ŭkazam prezidenta № 505.
Zhodna z dakumientam, praviadzieńnie kursavoj palityki budzie ažyćciaŭlacca na asnovie praviła, jakoje praduhledžvaje minimizacyju valutnych interviencyj Nacyjanalnaha banka i zabieśpiačeńnie dynamiki abmiennaha kursu na asnovie popytu i prapanovy na valutnym rynku. Apieracyjnym aryjenciram kursavoj palityki zachavajecca košt košyka zamiežnych valut.
Pry hetym va ŭmovach pieravyšeńnia prapanovy valuty nad popytam na jaje ŭ metach niedapuščeńnia paharšeńnia cenavaj kankurentazdolnaści biełaruskich eksparcioraŭ, Nacyjanalny bank zachavaje za saboj mahčymaść strymlivać umacavańnie biełaruskaha rubla za košt kupli zamiežnaj valuty.
Z studzienia 2015 hoda Nacbank pierajšoŭ da vykarystańnia miechanizmu pryviazki kursu biełaruskaha rubla da košyku valut, u jakoj udzielnaja vaha rasijskaha rubla pavialičana da 40%, a doli dalara ZŠA i jeŭra źnižany da 30% kožnaja.
U paraŭnańni z pačatkam 2015 kurs biełaruskaha rubla źniziŭsia da košyka valut (dalar ZŠA, jeŭra i rasijski rubiel) na 35,74%. Pry hetym da dołara biełaruski rubiel asłabieŭ za hety čas na 55,06% da 18.375 rubloŭ, da jeŭra - na 39,39% da 20.044 rubloŭ, da rasijskaha rubla - na 20,42% da 258,31 rubla.
Pry padrychtoŭcy prajekta respublikanskaha biudžetu na 2016 hod byŭ zakładzieny siaredniehadavy kurs dalara 18.700 rubloŭ.
Ciapier čytajuć
Biełarusy dzielacca, jak rehistrujuć svaich katoŭ. Voś jak adbyvajecca pracedura2
Biełarusy dzielacca, jak rehistrujuć svaich katoŭ. Voś jak adbyvajecca pracedura
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary