Prakuraturaj Mahiloŭskaj vobłaści raspačataja kryminalnaja sprava ŭ dačynieńni da 59-hadovaj žycharki abłasnoha centra.
Jak paviedamiła staršy pamočnik prakurora Mahiloŭskaj vobłaści Ała Kuźniacova, piensijanierka, budučy na svaim prysiadzibnym učastku, raźmieščanym u Kličaŭskim rajonie, parušyła praviły pažarnaj biaśpieki i naniesła ŭron u bujnym pamiery.
Tak, pry spalvańni śmiećcia žančyna nie zabiaśpiečyła pastajanny kantrol za pracesam hareńnia, a taksama najaŭnaść srodkaŭ pažaratušeńnia. Raspaliła kaścior, nie akapaŭšy vohnišča, i nie vykanała adlehłaść ad jaho da prylehłych pabudoŭ nie mienš jak 10 mietraŭ, jak taho patrabujuć praviły pažarnaj biaśpieki.
Dapuščanyja parušeńni praviłaŭ pažarnaj biaśpieki pryviali da ŭźniknieńnia pažaru na terytoryi susiedniaha domaŭładańnia, paśla čaho ahoń pierakinuŭsia na inšyja damy z raźmieščanymi blizu ich haspadarčymi pabudovami.
U vyniku biezadkaznych pavodzinaŭ i hrebavańnia ŭstanoŭlenymi praviłami pažaram byli poŭnaściu źniščany čatyry domaŭładańni hramadzian, materyjalny ŭron skłaŭ bolš za 150 młn. rubloŭ.
Dziakujučy svoječasovamu reahavańniu terytaryjalnych padraździaleńniaŭ MNS bolš ciažkich nastupstvaŭ, u tym liku čałaviečych achviaraŭ, udałosia paźbiehnuć.
Zaraz kryminalnaja sprava pa hetym fakcie pieradadzienaja va ŭpraŭleńnie Śledčaha kamiteta pa Mahiloŭskaj vobłaści dla arhanizacyi praviadzieńnia papiaredniaha rasśledavańnia.
Za toje, što ŭčyniena, kryminalnym zakanadaŭstvam praduhledžana pakarańnie ŭ vyhladzie papraŭčych rabot na termin da dvuch hadoŭ, abo aryšt na termin da šaści miesiacaŭ, abo abmiežavańnie voli na termin da troch hadoŭ, abo pazbaŭleńnie voli na termin da troch hadoŭ.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?14
Kamientary