Ministerstva abarony Polščy nie viadzie raboty nad raźmiaščeńniem na jaje terytoryi jadziernaj zbroi Złučanych Štataŭ. Pra heta ŭ niadzielu, 6 śniežnia, paviedamlaje TASS sa spasyłkaj na apublikavanuju zajavu vajskovaha viedamstva.
«U minabarony na dadzieny momant nie viadziecca nijakaja praca nad dałučeńniem našaj krainy da prahramy NATA Nuclear Sharing», - havorycca ŭ zajavie. U ministerstvie abarony nahadali, što «Polšča źjaŭlajecca bokam Damovy ab nieraspaŭsiudžvańni jadziernaj zbroi», tamu «va ŭrada niama płanaŭ atrymańnia takoj zbroi». «Mahčymaje rašeńnie, jakoje tyčycca jakoj-niebudź formy ŭdziełu Polščy ŭ prahramie [NATA Nuclear Sharing], pavinna być pradmietam uzhadnieńniaŭ na palityčnym uzroŭni jak unutry krainy, tak i z sajuźnikami», — adznačyli ŭ viedamstvie.
Raniej vydańnie Guardian napisała, što ministerstva abarony Polščy razhladaje mahčymaść zvarotu da NATA z zapytam ab raźmiaščeńni na polskaj terytoryi jadziernaj zbroi Złučanych Štataŭ. Vydańnie spasyłałasia na zajavu namieśnika abarony Polščy Tomaša Šatkoŭskaha.
Šatkoŭski ŭ prahramie polskaha telebačańnia skazaŭ, što Varšavie nieabchodna atrymać dostup da jadziernaj zbroi. «My chočam skončyć z padziełam členaŭ NATA na dźvie katehoryi. Usio jašče dziejničaje niapisanaja norma, što na terytoryi tak zvanych novych krain NATA možna dazvolić sabie trochi mienš», — kazaŭ namieśnik ministra. «Kali my havorym ab raźmiaščeńni vojskaŭ zachodnich sajuźnikaŭ na pastajannaj asnovie, toje samaje možna skazać u vypadku c jadziernaj zbrojaj», — adznačaŭ jon.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki5
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary