«Nielha skazać, što film «My, braty» nie spadabaŭsia hledačam», — zajaviła pieršy namieśnik ministra kultury Iryna Dryha, adkazvajučy 3 śniežnia na pytańnie deputata Pałaty pradstaŭnikoŭ u Minsku.
U padtrymku filma jana pryviała ličby prakatu. «Film pajšoŭ u prakat u vieraśni, pa rehijonach idzie paŭtorny prakat. Pavodle našych źviestak, jaho pahladzieła ŭžo bolš za 36 tysiač hledačoŭ. Skazać, što jon nie spadabaŭsia hledačam, nie znajšoŭ vodhuku, užo nielha. Cikavaść da filma jość. Dla biełaruskich filmaŭ heta, napeŭna, adna z samych vialikich ličbaŭ prakatu», — skazała Dryha.
Pavodle jaje słoŭ, hladač hałasuje rublom. «Kali pryjšoŭ u kinateatr — značyć, jamu cikava. Nie pryjšoŭ — kolki ni kažy, što ty druhi Sakuraŭ, hledača ŭ kinateatr nie zamaniš. Była krytyka, roznyja mierkavańni. Ale heta, moža być, było vyklikana inavacyjnaściu hetaha prajekta, chto što čakaŭ ad nacyjanalnaha prajekta. Tamu skazać, što ŭ jaho niaŭdały vopyt, ja b nie zhadziłasia. Užo toje, što film źjaviŭsia, što hladač na jaho pajšoŭ, što my ŭ im ubačyli sučasnuju Biełaruś, jaje hierojaŭ, jakija zmahajucca za dabro ŭ suśvietnym maštabie, što my možam pakazać takich hierojaŭ, heta pravilny prykład», — adznačyła Dryha.
Čytajcie taksama: «I na heta patracili miljony dalaraŭ?» — u Minsku prezientavali film «My, braty»
Kamientary