BČ uvodzić novy raskład ruchu ciahnikoŭ 13 śniežnia, paviedamiŭ 1 śniežnia na bryfinhu ŭ Minsku pieršy namieśnik načalnika pasažyrskaj słužby ŭpraŭleńnia Biełaruskaj čyhunki Andrej Kaško.
Jon patłumačyŭ, što sioleta novy hrafik uvodzicca nie jak zvyčajna ŭ kancy maja, a ŭ śniežni. «Heta tłumačycca tym, što hrafik farmirujecca nie tolki dla ruchu ŭ krainy SND, ale i ŭ jeŭrapiejskija dziaržavy», — paviedamiŭ Kaško.
Pavodle jaho słoŭ, u hrafiku na 2015/2016 hady praduhledžana pastajannaje kursiravańnie 30 ciahnikoŭ ŭ mižnarodnych znosinach.
«Novy hrafik praduhledžvaje ŭvod novych ciahnikoŭ, paskareńnie ruchu niekatorych isnujučych. My spadziajomsia, što na asobnych kirunkach budziem mieć ustojlivuju čyhunačnuju suviaź, jakuju, mahčyma, stracili», — skazaŭ Kaško.
Tak, z 13 śniežnia štodzionna pačniecca ruch dvuch bieśpierasadačnych vahonaŭ Minsk — Varšava. Raniej ciahnik chadziŭ dva razy na tydzień. Taksama na dźvie hadziny skaraciŭsia čas u darozie ŭ Adler.
«Bližej da leta źjaviacca bieśpierasadačnyja vahony, jakija buduć kursiravać praz krainy Zachodniaj Jeŭropy ŭ napramku da Čornaha mora — u Varnu (dva razy na tydzień). My adkryvajem novyja znosiny z kurortami Čarnahoryi Minsk — Bar u składzie mižnarodnaha ciahnika, jaki my budziem farmiravać razam z Rasijskimi čyhunkami», — patłumačyŭ Kaško.
«My pastaralisia nie hublać adnosiny z čyhunačnymi administracyjami susiednich krain, tamu praktyčna bieź źmianieńniaŭ zastalisia ŭ nas ciahniki ŭ znosinach z Rasijaj i Ukrainaj», — adznačyŭ pradstaŭnik BČ. «Niekatoryja źmianieńni adbylisia ŭ znosinach z Ukrainaj. Były ciahnik Minsk — Simfieropal budzie chadzić da stancyi Novaalaksiejeŭka, a heta mahčymaść adpačynku na Azoŭskim uźbiarežžy. U zimovy pieryjad jon budzie chadzić da Zaparožža», — dadaŭ Kaško.
Jon taksama paviedamiŭ, što ŭ mižrehijanalnych znosinach budzie chadzić 47 ciahnikoŭ.
«Patok pasažyraŭ, jakija vykarystoŭvajuć bolš chutkasnyja ciahniki, pieravyšaje našy čakańni. Tamu ŭ novym hrafiku na Brest i na Viciebsk uvodziacca dadatkovyja ciahniki mižrehijanalnych linij biźnies-kłasa, jakija buduć amal niaspynna nakiroŭvacca ŭ punkty pryznačeńnia i z maksimalnaj chutkaściu vieźci pasažyraŭ», — adznačyŭ pieršy namieśnik načalnika słužby. «Taksama buduć u hrafiku i dadatkovyja ciahniki mižrehijanalnych linij ekanomkłasa», — paviedamiŭ pradstaŭnik BČ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary33
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary