Pra namier Alaksandra Saładuchi ŭdzielničać u nacyjanalnym adbory na Jeŭrabačańnie stała viadoma litaralna ŭ apošniuju chvilinu. Pa słovach śpievaka, jon doŭha nie moh padabrać pieśniu dla ŭdziełu ŭ hetym konkursie. Ale ŭ vyniku z dapamohaj siabra Aleha Jelisiejenkava spyniŭsia na tvory «Čornyja krumkačy».
«Usia kraina choča, kab ja ŭdzielničaŭ, usia kraina. Kožny dzień mnie pra heta kažuć. Nielha admović», — raskazvaje Alaksandr Saładucha.
Adnak ranicaj 25 listapada, litaralna za dzień da adkrytaha prasłuchoŭvańnia, Alaksandru pazvanili z telebačańnia i paviedamili sumnyja naviny. «Paviedamili mnie, što nie dapuščany da konkursu. Akazvajecca, hetaja pieśnia ŭžo hučała (pa praviłach Jeŭrabačańnia, udzielničać u im mohuć tolki novyja pieśni). Aŭtary mianie nie papiaredzili… U rasijskaha vykanaŭcy jana była. A z novaj pieśniaj užo nielha, nielha», — zusim niaviesieła raskazvaje Saładucha.
U Biełteleradyjokampanii sumnuju historyju Alaksandra Saładuchi paćvierdzili. «Hetaja pieśnia ŭžo vykarystoŭvałasia. Možacie sami na Jutubie pahladzieć», — kažuć tam.
Adroźnieńnie sioletniaha adboračnaha konkursu na Jeŭrabačańnie ŭ tym, što vybirać udzielnika ad Biełarusi buduć vyklučna hledačy, raniej heta rabiła prafiesijnaje žury. Biełaruski finał projdzie nie paźniej za 25 studzienia 2016 hoda. Ahulnajeŭrapiejski finał — u traŭni ŭ Stakholmie.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary