Hienierał armii ZŠA: Patrebnyja bajcy, hatovyja vajavać z Rasijaj
«Nichto u hetaj zale nie choča ŭzbrojenaha kanfliktu z Rasijaj, adnak amierykanskaja armija pavinna być hatovaj być častkaj kaalicyi, kab i nadalej strymlivać rasijskuju ahresiju», — skazaŭ novy načalnik hienieralnaha štaba Suchaputnych vojsk ZŠA hienierał Mark Mili.
Jon adznačyŭ, što nie moža pradkazać novyja kroki prezidenta RF Uładzimira Pucina, adnak razumieje, što Maskva maje značnyja vajskovyja mahčymaści, pieradaje sajt military.com.
«Vidavočna, što Rasija razhladaje ZŠA i NATA jak niepasrednuju pahrozu svaim asnoŭnym intaresam i dziejničaje adpaviedna z hetym», — dadaŭ hienierał na kanfierencyi Asacyjacyi armii ZŠA.
Mark Mili taksama raskrytykavaŭ niekatoryja mify, u jakija, pa jahonych słovach, vierać palityki ŭ Vašynhtonie.
«Hetyja pamyłki prapahandujucca tymi, chto, jak śviedčyć moj dośvied, nikoli nie bačyŭ kroŭ, pot i ślozy vajny», — skazaŭ hienierał.
Siarod takich mifaŭ jon nazvaŭ vieru ŭ toje, što «vajna abaviazkova budzie karotkaj», «vajnu možna vyjhrać śpiecnazam», «vajnu možna vyjhrać adnymi ŭdarami ź biaśpiečnaj adlehłaści».
«Vajna — dziŭnaja reč. Jana maje ŭłasnuju łohiku i nie adpaviadaje raskładam, jakija składajuć palityki», — skazaŭ Mili.
«My — źjadnanaja armija miljona žaŭnieraŭ, a nie 490 000, z 19 dyvizij, a nie z 10, z 60 bryhadnych bajavych hrup, a nie z 32», — skazaŭ hienierał, majučy na ŭvazie, što reziervisty i nacyjanalnyja hvardziejcy musiać być całkam hatovymi ŭdzielničać u poŭnamaštabnych bajavych dziejańniach.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary