Dźvie dziaŭčynki — va ŭzroście dvuch z pałovaj i piaci hadoŭ — byli zhvałtavanyja ŭ stalicy Indyi Deli.
Pieršaja dziaŭčynka była vykradziena ŭ piatnicu dvuma mužčynami, a zatym kinuta ŭ parku niedaloka ad jaje doma. Pa paviedamleńni palicyi, kali jaje znajšli, jana spłyvała kryvioju.
U ciapierašni čas palicyja adšukvaje złačyncaŭ, pakul nichto nie aryštavany, paviedamiŭ ahienctvu Frans pres kiraŭnik staličnaj palicyi Pušpiendra Kumar.
Druhaja dziaŭčynka była zhvałtavanaja tryma mužčynami na ŭschodzie horada. Pa dadzienych palicyi, piacihadovaje dzicia zavabili ŭ dom susieda.
Incydenty nie źviazanyja pamiž saboj. Abiedźvie dziaŭčynki byli špitalizavany, paviedamili ŭ palicyi.
Hałoŭny ministr Deli Arvind Kiedžryvał abvinavaciŭ ułady krainy i palicyju ŭ tym, što jany prykładvajuć niedastatkova namahańniaŭ dla abarony dziaciej u horadzie. Palicyja Deli padparadkoŭvajecca fiederalnamu ŭradu.
Na minułym tydni ŭ indyjskaj stalicy była zhvałtavanaja čatyrochhadovaja dziaŭčynka.
Indyja zrabiła bolš žorstkimi zakony, jakija tyčacca seksualnych złačynstvaŭ, na fonie žorstkaha hrupavoha zhvałtavańnia i zabojstva dziaŭčyny ŭ aŭtobusie dva hady tamu.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary