Viarchoŭnaja Rada Ukrainy ŭniesła źmieny ŭ niekatoryja zakanadaŭčyja akty ab prachodžańni vajennaj słužby va Uzbrojenych siłach, dazvoliŭšy słužyć u ich zamiežnikam i asobam biez hramadzianstva i ŭzmacniŭšy pry hetym adkaznaść za najmictva.
Za pryniaćcie ŭ cełym adpaviednaha zakonaprajekta №2389 prahałasavali 229 narodnych deputataŭ.
Hetym zakonam uniesieny źmieny ŭ zakon «Ab vajskovym abaviazku i vajskovaj słužbie», zhodna ź jakimi da katehoryi vajskoŭcaŭ pryraŭnoŭvajucca zamiežniki i asoby biez hramadzianstva, jakija ŭ adpaviednaści z zakonam prachodziać vajskovuju słužbu va Uzbrojenych siłach Ukrainy.
Taksama ŭniesieny źmieny ŭ artykuł 5 zakona ab Uzbrojenych siłach, pavodle jakich asobnyja pasady rabotnikaŭ USU mohuć ŭkamplektoŭvacca hramadzianami, jakija prachodziać alternatyŭnuju (nievajennuju) słužbu ŭ paradku, vyznačanym zakonam.
U adpaviednaści z zakonam, zamiežniki i asoby biez hramadzianstva, jakija ŭpieršyniu prymajucca na vajskovuju słužbu ŭ USU, prymajuć aficyjnyja abaviazacielstvy niaŭchilna vykonvać Kanstytucyju i zakony Ukrainy, dobrasumlenna vykonvać abaviazki vajennaj słužby.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary