Sudovaja kalehija pa kryminalnych spravach Bresckaha abłasnoha suda na vyjaznym pasiadžeńni ŭ Baranavičach 2 kastryčnika vyniesła pryhavor 51-hadovamu niepracoŭnamu žycharu vioski Ščarbovičy za zabojstva z asablivaj žorstkaściu.
Jak paviedamiŭ Baranavicki mižrajonny prakuror Daniił Dziarabin, jaki padtrymlivaŭ dziaržaŭnaje abvinavačańnie, 12 červienia ŭ domie pa miescy žycharstva mužčyna ŭ stanie ałkaholnaha apjanieńnia padčas svarki sa svajoj 51-hadovaj sužycielkaj pryčyniŭ toj nie mienš za 156 cialesnych paškodžańniaŭ, u tym liku pierałom pravaj vialikahalonačnaj kości. Jon biŭ žančynu rukami i draŭlanymi pałkami pa roznych častkach cieła. Ad traŭmatyčnaha šoku, jaki raźviŭsia ad spałučanaj tupoj traŭmy hałavy, tułava i kaniečnaściaŭ, jana pamierła na miescy.
Jak ustanoŭlena śledstvam, abvinavačany źbivaŭ svaju achviaru na praciahu dnia. Paśla hetaha loh spać, a kali ranicaj 13 červienia ŭbačyŭ, što sužycielka miortvaja, pajšoŭ da susiedziaŭ i zajaviŭ, što jaje zabadaŭ kazioł.
U hety ž dzień viaskoŭca zatrymali pavodle padazreńnia ŭ zabojstvie.
Sudovaja kalehija pa kryminalnych spravach Bresckaha abłasnoha suda pryznała mužčynu vinavatym u naŭmysnym supraćpraŭnym pazbaŭleńni žyćcia čałavieka, učynienym z asablivaj žorstkaściu (p. 6 č. 2 art. 139 KK), i pryhavaryła da 15 hadoŭ pazbaŭleńnia voli z adbyvańniem pakarańnia ŭ papraŭčaj kałonii ŭzmocnienaha režymu.
Padčas sudovaha śledstva było ŭstanoŭlena, što abvinavačany i raniej źbivaŭ žančynu, ale jana nie źviartałasia ŭ milicyju.
Prysud jašče nie nabyŭ zakonnuju moc i moža być abskardžany. Raniej mužčyna sudzimy nie byŭ.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary