Vystup pa telebačańni kandydata ŭ prezidenty Mikałaja Ułachoviča akazaŭsia zapaminalnym. Zvarot atamana časam vyhladaŭ jak chaatyčny nabor dumak, jakija supiarečyli adna adnoj.
«Naša Niva» pasprabavała razabracca ŭ tym, što chacieŭ skazać kandydat u prezidenty. Prapanujem jarkija cytaty ź jahonaha vystupu.
- «Dzieci ciapier stalejuć chutka, i toje, što hetaja ich małaletniaja častka vypadaje z aktyŭnaha žyćcia, nie vielmi dobra».
- «A ciapier ja pierajdu ad adnoj idei da bolš vysokaj. Pakinuŭšy pijanieryju i kamsamoł, pierajdu da vyšejšaj adukacyi. Užo daŭno dakazana, što vyšejšaja adukacyja nie robić čałavieka kulturnym. I tut ja zhodny z tym ža spadarom Trusavym, katory i jość zasnavalnik BNF».
- «Dziŭna, što ich [śpiecyjalistaŭ — «NN»] nie chapaje ŭ sielskaj miascovaści, u tym liku ŭ Čarnobylskaj zonie. Ja, darečy, za čas svajho vyłučeńnia ŭsiu jaje abjechaŭ, i niešta pikietaŭ našych kandydataŭ u prezidenty, aproč dziejnaha kiraŭnika, nie bačyŭ. U svoj čas ja sam udzielničaŭ u stvareńni kamiercyjnaj vyšejšaj navučalnaj ustanovy, tamu maju prava padzialicca svaim mierkavańniem».
- «Ja, naprykład, dakładna viedaju, što ispancy z usimi razmaŭlajuć na svajoj rodnaj movie, i asabliva ŭ prysutnaści anhličan, francuzaŭ i niemcaŭ. I heta vyklikaje pavahu. I adryvać našu biełaruskuju kulturu ad ahromnistaj ruskaj — heta złačynstva. My hetym abiadniajem siabie i svaju nacyju. Tak što, spadar Trusaŭ, ahlickaja kultura ad nas daloka, a ruskaja zaŭsiody pobač z nami».
- «Sa źniknieńniem kodeksa budaŭnika kamunizmu mnohija paciahnulisia da relihii albo da roznych jaje vidaŭ. Nie baču ŭ hetym ničoha drennaha, kali tolki heta relihija źviazanaja nie z baptysckaj nakiravanaściu, dzie prapaviedujucca straty zdaroŭju čałavieka, ci, jašče horš, z teraryzmam».
- «U nas siaredniaja pa nasielnictvie jeŭrapiejskaja kraina — kožny čaćviorty ŭ nas jak minimum daloki svajak. Tamu jak by my ni staralisia, čyscyni kadraŭ u hetym płanie naŭrad ci dasiahniom».
- «Chaciełasia b zakranuć pytańnie ŭzbujnieńnia pravaparadku praz pašyreńnie demahrafičnych pravoŭ i svabod».
- «Nu, pieršaje ŭsiaho… admianić nieabchodna napaŭlehalnuju zabaronu na vyvaz tavaraŭ i praduktaŭ, zroblenych u Biełarusi, za miežy fizičnymi asobami. Fizičnyja asoby mohuć handlavać pradukcyjaj, vypuskajemaj u našaj krainie, biez pradjaŭleńnia siertyfikataŭ. Nu, hałoŭnaje, kab tavar mieŭ narmalny vyhlad. Dva razy na tydzień z apłataj padatku pa dniach».
- «Dazvolić handal pradukcyi, vyraščanaj na svaich aharodach — nu, jano ž dazvalajecca».
- «Nie zabaraniać drobny handal, a naadvarot, stymulavać. Padtrymlivać drobny biznes… [praz 15 siekund]. Dyrektary kamiercyjnych struktur pavinny być pad poŭnym kantrolem».
- «Pracavać bolš za 15 hadoŭ paśla dasiahnieńnia piensijnaha ŭzrostu niavarta. [praź niekalki chvilin] Piensijaniery, jakija pracujuć, zachoŭvajuć pierajemnaść pracoŭnych dynastyj. Kryteryjem dla zvalnieńnia takoha rabotnika pavinien być nie ŭzrost».
- «Skažu ščyra, asabista ja jak hramadzianin-abyvaciel daŭno ŭžo nie karystajusia dyvanami».
- «Košt elitnaha žylla treba pavialičyć u razy. Tamu što ludziej ź vialikimi dachodami ŭ krainie niamnoha. Tamu popyt na takoje žyllo z hadami značna pamienšaje».
- «Piensijaniery — asnova našaj radzimy, jakija addali i zdaroŭje, i enierhiju, i rozum».
Kamientary