Staršynia praŭleńnia Nacyjanalnaha banka Biełarusi Pavieł Kałaŭr nie vyklučaje ŭmacavańnia biełaruskaha rubla da kanca 2015 hoda. Ab hetym jon zajaviŭ u efiry prahramy «Karcina śvietu» telekanała «RTR-Biełaruś».
Kałaŭr, u pryvatnaści, źviarnuŭ uvahu, što «płavajučy» valutny kurs «moža «płavać» i ŭ adzin bok, i ŭ inšy bok».
«Ja nie vyklučaju situacyju, što da kanca hoda pry źmianieńni kan`iunktury na canu na naftu, u pieršuju čarhu niepasredna situacyi ŭ našych susiedziaŭ, my budziem nazirać zvarotny trend — umacavańnie biełaruskaha rubla adnosna košyka valut, u pryvatnaści da taho ž dołara abo jeŭra», — skazaŭ kiraŭnik Nacbanka.
«Fiksavany kurs nie ŭ stanie adekvatna reahavać, kali maje miesca na suśvietnych rynkach značnaja vałatylnaść, — adznačyŭ Kałaŭr. — Heta značyć vahańni pa canie na naftu, na inšyja resursy, jość devalvacyjnyja pracesy ŭ susiedziaŭ, i fiksavany kurs na heta nie reahuje. U vyniku nakoplivajucca dysbałansy, jakija rana ci pozna prajaŭlajucca praz razavyja devalvacyi».
«Płavajučy» kurs čym dobry? Jon adrazu ž reahuje na kan`iunkturu, jakaja składvajecca na mižnarodnych rynkach, jon reahuje na ŭnutranyja popyty i prapanovy. I, adpaviedna, jon dazvalaje adaptavacca da ŭsich kan`iunkturnych źmianieńniaŭ, da roznych šokaŭ i pravilna vybudavać adpaviednyja čakańni», — padkreśliŭ Pavieł Kałaŭr.
«Kali my budziem štučna strymlivać kurs nacyjanalnaj valuty, to kankurentazdolnaść našaj pradukcyi budzie padać. Heta budzie padać ekspart i, adpaviedna, rana ci pozna heta moža pryvieści da istotnaj karekciroŭki kursu. Toje, što my nazirali i ŭ papiarednija razy ŭ našaj krainie», — skazaŭ staršynia praŭleńnia Nacbanka.
Z 1 lutaha Nacbank pierajšoŭ da novaha režymu manietarnaj palityki — manietarnaha tarhietavańnia, jakoje maje na ŭvazie kantrol za vieličynioj hrašovaj masy z metaj strymlivańnia inflacyi. Adna z klučavych asablivaściej hetaha režymu praduhledžvaje dastatkova hnutkuju sistemu kursaŭtvareńnia («płavajučy» kurs), da jakoj Nacbank pierajšoŭ adnačasova z uviadzieńniem hetaha režymu.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary