Miarkujecca, što suicyd.
Znojdzieny trup padazravanaha ŭ zabojstvie dźviuch žančyn u v. Kamiennaja Horka Minskaha rajona, paviedamiła ŭ svaim fejsbuku pradstaŭnik SK pa Minskaj vobłaści Taćciana Biełanoh.
«U chodzie pošukavych mierapryjemstvaŭ u adnym damoŭ, što budujecca ŭ Minskim rajonie, znojdzieny trup padazravanaha ŭ ździajśnieńni zabojstva dźviuch asob (suicyd)», — paviedamiła jana.
Jon znojdzieny paviešanym, a pobač lažaŭ abrez.
«U ciapierašni čas śledčymi va ŭzajemadziejańni z apieratyŭnymi supracoŭnikami, Dziaržaŭnym kamitetam sudovych ekśpiertyz pravodzicca kompleks śledčych i pracesualnych dziejańniaŭ, nakiravanych na ŭstanaŭleńnie pryčyn i abstavinaŭ vypadku. U miežach kryminalnaj spravy pryznačany šerah daśledavańniaŭ, u tym liku pa vyklučanych ź miesca złačynstva śladach i i pradmietach, praciahvajecca praca sa śviedkami, — paviedamiła T. Biełanoh.
Zabojstva — byli zabityja dźvie žančyny — adbyłosia 11 vieraśnia kala 15.00 u vioscy Kamiennaja Horka, što za Minskaj kalcavoj aŭtadarohaj nasuprać adnajmiennaha mikrarajona. Złačyncu ŭdałosia uciakčy ź miesca zdareńnia. U vyšuk byŭ abvieščany Karanieŭski Alaksandr Uładzimiravič.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary