Supracoŭnica banka źniała z rachunku 92-hadovaj žančyny 7,5 tys. dalaraŭ. Zaviedziena kryminalnaja sprava

Asipovicki rajonny adździeł Śledčaha kamiteta raspačaŭ kryminalnuju spravu ŭ dačynieńni da byłoj supracoŭnicy miascovaha adździaleńnia banka. Śledčyja ŭhledzieli prykmiety składu złačynstva, praduhledžanaha č. 3 art. 210 KK Respubliki Biełaruś (kradziež šlacham złoŭžyvańnia słužbovymi paŭnamoctvami), paviedamlaje adździaleńnie infarmacyi i hramadskich suviaziej Mahiloŭskaha UUS.

Sankcyja hetaha artykuła praduhledžvaje pakarańnie ŭ vyhladzie pazbaŭleńnia voli terminam da dziesiaci hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu.

Na minułym tydni finance.tut.by raspavioŭ historyju 92-hadovaj žančyny ź Jalizava. Sutnaść hučnaj spravy ŭ tym, što z rachunku žančyny ŭ Biełarusbanku źnikła suma kala 7,5 tysiačy dalaraŭ. Nahadajem, piensijanierka kaža, što nie čapała svaje źbieražeńni z taho momantu, jak adkryła depazit u 2009 hodzie.

Słužba ža biaśpieki banka pakazała joj vypisku z rachunku, ź jakoj vynikaje, što hrošy ŭsio ž zdymalisia i nie adzin raz.

Jak raspaviadała staraja žančyna žurnalistam raniej, spačatku padazravali, što hrošy zdymała supracoŭnica banka Taćciana, jakaja ŭ lutym 2015 była zvolnienaja. Adnak, jak raspaviała finance.tut.by dačka Hanny Michajłaŭny, Nina, ciapier svaju vinu Taćciana admaŭlaje.

Adździaleńnie pa baraćbie z ekanamičnymi złačynstvami Asipovickaha RAUS praviało pravierku pa fakcie niezakonnaha źniaćcia ŭ 2012 hodzie hrašovych srodkaŭ z układu piensijanierki.

«Pa źviestkach UBEZ UUS, u vyniku praviedzienaha razboru ŭstanoŭlena, što sumy pamieram 6800 dalaraŭ ZŠA i 700 jeŭra byli źniatyja byłoj supracoŭnicaj banka šlacham afarmleńnia ad imia ŭkładčyka fiktyŭnaha raschodnaha płaciožnaha daručeńnia i raschodnych valutnych ordaraŭ», — havorycca ŭ paviedamleńni.

7 vieraśnia 2015 h. u dačynieńni da byłoj supracoŭnicy banka Asipovickim Raska zaviedziena kryminalnaja sprava.

Pa słovach Niny, dački paciarpiełaj piensijanierki, na minułym tydni ŭ piatnicu da jaje maci prychodzili śledčyja dla vyśviatleńnia abstavinaŭ spravy i zajavili, što prablema vyrašycca ŭ bližejšy čas.

«U ciapierašni čas viadziecca śledstva. Pa viersii ABEZ Asipovickaha RAUS, u chodzie dalejšych apieratyŭna-śledčych mierapryjemstvaŭ mohuć być ustanoŭleny dadatkovyja epizody supraćpraŭnaj dziejnaści byłoj supracoŭnicy banka», — tłumačać u adździaleńni infarmacyi i hramadskich suviaziej Mahiloŭskaha UUS.

• 0
• 0
• 0
• 0
• 0
• 0
• 0
• 0