NASA prapanavała kaśmičnym aparatam «rybačyć», kab «aŭtastopić»
Inšymi słovami, čaplacca za niabiesnyja cieły harpunami.
Inžyniery łabaratoryi reaktyŭnaha ruchu NASA prapanavali ideju vychadu na arbitu małych niabiesnych cieł nakštałt kamiet i asteroidaŭ i pasadki na ich. Svaju ideju jany nazyvajuć «kaśmičnym aŭtastopam».
Kali aparat padlacić da asteroida, jon strelić pa ciele harpunom. Tros ad harpuna pačnie razmotvacca, kab aparat pastupova tarmaziŭ. Tak ža robiać ludzi, kali łoviać rybu — nie ciahnuć adrazu na siabie, a spačatku adpuskajuć. Kali chutkaść aparata stanie nulavoj adnosna asteroida, tros pačnie zmotvacca.
Z dapamohaj supierkampjutarnaj simulacyi navukoŭcy vyvieli «raŭnańnie kaśmičnaha aŭtastopa»: ź jaho dapamohaj možna praličyć usie paramietry biaśpiečnaha zbližeńnia i navat nieabchodny dla trosa materyjał (u jakaści prykładu pryvodzicca kieŭłar, dastatkovy dla zapavolvańnia na 1,5 km/s).
Heta dała mahčymaść ździajśniać pasadku biez traty paliva (jakoje i tak tracicca na toje, kab dalacieć da asteroida, dahnać jaho), a značyć, i rabić niekalki pasadak za misiju.
Na siońnia ŭ čałaviectva atrymałasia pasadzić tolki adzin kaśmičny aparat na małoje niabiesnaje cieła: «Fiły» sieŭ na kamietu Čurumava-Hierasimienki ŭ kancy 2014 hoda.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary