Ilustracyjnaje fota, relax.by
Upraŭleńniem Śledčaha kamiteta pa h. Minsku rasśledujecca kryminalnaja sprava pa č. 2 art. 214 (kradziež małamiernaha sudna) Kryminalnaha kodeksa RB u dačynieńni da dvuch 15-hadovych padletkaŭ, paviedamlaje pres-słužba SK.
Padstavaj da zaviadzieńnia pasłužyli materyjały pravierki, praviedzienaj supracoŭnikami inśpiekcyi pa spravach niepaŭnaletnich.
Papiarednie ŭstanoŭlena, što ŭ kancy lipienia dvoje padletkaŭ vyrašyli pakatacca na katamaranie, vybraŭšy pry hetym vielmi aryhinalny sposab.
Viedajučy, što ŭnačy sudna pryviazvajuć da bieraha łancuhami, jany, uziaŭšy z doma nažoŭku, adpravilisia kala hadziny nočy na vadajom, raźmieščany kala vučylišča alimpijskaha reziervu. Pryjšoŭšy na miesca, jany pierapiłavali łancuh, paśla čaho ździejśnili ŭhon. Paźniej sudna, jakoje naležyć indyvidualnamu pradprymalniku, było znojdziena niedaloka ad miesca stajanki.
U ciapierašni čas ź niepaŭnaletnimi pracujuć śledčyja, vyśviatlajučy matyvy i mety złačynstva.
Źviartaje na siabie ŭvahu na toj fakt, što ŭ dadzienaj situacyi baćki nie ažyćciaŭlali adpaviedny kantrol za svaimi dziećmi, zaznačaje pres-słužba SK.
Heta vyjaviłasia ŭ tym, što 15-hadovyja paśla 23:00 znachodzilisia nie doma, a biez nahladu darosłych na miescy pavyšanaj niebiaśpieki — vadajomie. Sami baćki taksama nie byli doma.
Katamaran adnosicca da małamiernych vodnych sudnaŭ i kryminalnaja adkaznaść za jaho niepravamiernaje zavałodańnie zhodna z zakanadaŭstvam prychodzić z 14-hadovaha ŭzrostu.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary