Z samaha ranku DAI Minska budzie ŭzmocniena sačyć za vykanańniem praviłaŭ stajanki kala škoł i sadkoŭ
Z 31 žniŭnia, z samaha ranku, inśpiektary buduć zabiaśpiečvać biaśpieku darožnaha ruchu, asablivaja ŭvaha budzie nadadziena praviłam spynieńnia i stajanki kala škoł i dziciačych sadkoŭ, paviedamiła kiraŭnik pres-słužby DAI HUUS Minharvykankama Taćciana Charlinskaha.
Kantrol DAI nakiravany na baćkoŭ, jakija pryvoziać dziaciej u škołu i pakidajuć svaje aŭtamabili ŭ nienaležnych miescach, i inšych kiroŭcaŭ, jakija nie prapuskajuć dziaciej na pierachodach i parušajuć chutkasny režym pablizu škoł, raspaviała Taćciana Charlinskaha.
Akramia rejdavych mierapryjemstvaŭ, inśpiektary praviaduć roznyja prafiłaktyčnyja akcyi, naviedajuć školnyja liniejki i vystupiać u pracoŭnych kalektyvach.
Taćciana Charlinskaha adznačyła, što da 5 vieraśnia praciahvajecca usiebiełaruskaja akcyja «Uvaha — dzieci!».
Pavodle punktam 166.9 PDR u dni praviadzieńnia padobnych mierapryjemstvaŭ vadzicieli abaviazanyja jeździć u śvietły čas sutak z uklučanym na transpartnym srodku blizkim śviatłom far abo dzionnymi chadavymi ahniami.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki7
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary