Facebook zapuskaje hałasavoha pamočnika, budučaha kankurenta Siri
Najbujniejšaja sacyjalnaja sietka Facebook prystupiła da testavańnia novaha servisu — «hałasavoha pamočnika», jaki atrymaŭ nazvu M. U vypadku paśpiachovaha testavańnia Facebook składzie kankurencyju hałasavym asistentam Siri ad Apple, Google Now na bazie Android, Cortana na bazie Windows Phone i inšym.
«Virtualny asistent» M ubudavany ŭ miesiendžar — prykładańnie dla abmienu paviedamleńniami Facebook.
Servis pakul dastupny ŭ testavym režymie tolki nievialikaj častcy karystalnikaŭ u San-Francyska.
U asnovie M lažyć sistema štučnaha intelektu, jakaja navučajecca i kantralujecca čałaviekam, zajaŭlajuć u kampanii.
«Virtualny pamočnik» M, jak raspavioŭ Devid Markus, zmoža vykonvać roznyja dziejańni za karystalnika, jak nabyvać tavary, zamaŭlać stoliki ŭ restaranach, kuplać kvitki na samalot, damaŭlacca ab dastaŭcy kvietak da śviata, arhanizoŭvać pajezdki i mnohaje inšaje.
«U adroźnieńnie ad isnujučych zaraz na rynku servisaŭ, zasnavanych na štučnym intelekcie, M sapraŭdy vykonvaje za karystalnika roznyja dziejańni», — śćviardžajuć u kampanii.
Tradycyjnyja «virtualnyja pamočniki» całkam aŭtamatyzavany, a ŭ Facebook abrali bolš čałaviečny padychod, pry jakim kali sam hałasavy asistent nie moža spravicca z zadačaj, jamu na dapamohu prychodziać žyvyja ludzi.
Hetych ludziej nazyvajuć «trenierami M», jany sočać za navučańniem štučnaha intelektu, i taksama mohuć vykanać daručeńni karystalnika. Kolkaść trenieraŭ u Facebook nie raskryvajuć.
M takim čynam budzie ŭjaŭlać saboj hibryd aŭtamatyčnych prykładańniaŭ z servisam piersanalnych pamočnikaŭ z čałaviečym tvaram.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna3
Kamientary