Łukašenka papiaredziŭ: Kali navuka cielapajecca z boku ŭ bok, heta ŭžo nie arhanizacyja
Pra pryjarytety biełaruskaj navuki dałažyŭ siońnia Alaksandru Łukašenku staršynia Prezidyuma Nacyjanalnaj akademii navuk Uładzimir Husakoŭ.
Išła razmova pra 13 pryjarytetaŭ navukovaj dziejnaści na budučuju piacihodku (enierhietyku, bija-, nana-, miedtechnałohii i inš.). Pad hetyja pryjarytety raspracavany pieralik prahram asnoŭnych navukovych daśledavańniaŭ. Kiraŭnik dziaržavy vykazaŭ žadańnie ŭ bližejšy čas sustrecca ź biełaruskimi vučonymi, jakija pradstaŭlajuć nie tolki NAN, ale i VNU, i halinovuju navuku z tym, kab padvieści vyniki zroblenaha i abmierkavać płany.
Što datyčycca zruchaŭ u realizacyi prahramy ŭdaskanaleńnia navukovaj śfiery, kiraŭnik dziaržavy cikaviŭsia ŭ tym liku i ekanamičnym efiektam.
«Kali navuka nie ŭpłyvaje na finansavaje stanovišča dziaržavy i sama cielapajecca z boku ŭ bok, nie zarablajučy hrošy chacia b na ŭłasnaje ŭtrymańnie, heta ŭžo nie arhanizacyja (NAN. - Zaŭvaha BiełTA)», — skazaŭ Alaksandr Łukašenka.
Było adznačana, što aptymizacyja Akademii navuk pravodziłasia takim čynam, kab pakinuć tam tolki toje, što patrebna dla dziaržavy. Za apošni hod siem arhanizacyj NAN było rearhanizavana i dałučana. Ciapier ich 113, u tym liku 63 navukovyja i 29 vytvorčych pradpryjemstvaŭ.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary