Darahi supierkar aŭtavozam dastavili ŭ Homielskuju vobłaść u supravadžeńni aŭtamabila pradstaŭnickaha kłasa Audi A8. Pra heta 023.by paviedamiŭ śviedka. Jon ža dasłaŭ fatahrafii aŭtamabila kłasa «luks».
Uładalnik darahoha spartyŭnaha lehkavika, pavodle paviedamleńnia insajdera, uradženiec Rečycy. Na dadzieny momant biźniesmien pražyvaje ŭ Sankt-Pieciarburhu. Svoj Lamborghini Murcielago mužčyna vyrašyŭ pastavić na ŭlik u adździele DAI Rečyckaha RAUS, ułasna z hetaj metaj jon i pryjechaŭ u rodny horad.
Pry sprobie daviedacca, kolki ŭ Biełarusi zarehistravana supierkaraŭ hetaj kampanii, vyśvietliłasia, što nivodnaha «Łambarhini» nie staić aficyjna na ŭliku ŭ DAI. Što ž tyčycca aŭtamabila, jaki rehistravali ŭ Rečycy, to na dadzieny momant jon źniaty z uliku, mahčyma, z metaj prodažu. Ciapier uładalnik jeździć na tranzitnych numarach. Pra heta raspaviała inśpiektar adździaleńnia ahitacyi i prapahandy DAI Homielskaj vobłaści Taćciana Babovič.
Kali hamielčuki raptam nadumajuć nabyć «Łambarhini», za mahutnaha pryhažuna daviadziecca vykłaści minimum 200 tysiač dalaraŭ.
Na sajcie av.by raźmieščana ŭsiaho dźvie abjavy ab prodažy supierkaraŭ: Lamborghini Gallardo HURACAN LP610-4 Coupe za 255 tysiač dalaraŭ i Lamborghini Aventador LP 700-4 ROADSTER koštam u 406 tysiač «zialonych».
-
Rasijanin, jaki pieramoh u «Faktar.baj», sprabuje chucieńka pradać svoj pryz ad BT — usiedarožnik Belgee
-
Impart aŭto pryvatnikami raście, a ŭ dyleraŭ — padzieńnie prodažaŭ. Tamu dylery chočuć, kab było, jak u Rasii
-
Elektrabum u Biełarusi: Biełstat raskazaŭ, jak za hod vyrasła kolkaść elektramabilaŭ u biełarusaŭ
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary