Sioleta ŭ Biełarusi pačniecca realizacyja inviestycyjnaha prajekta dynamičnaha ŭzvažvańnia transpartnych srodkaŭ na asobnych aŭtatrasach. Pra heta 21 lipienia na pres-kanfierencyi ŭ Minsku paviedamiŭ načalnik transpartnaj inśpiekcyi Ministerstva transpartu i kamunikacyj Leanid Lemieš.
Pavodle jaho słoŭ, realizacyjaj prajekta budzie zajmacca pradpryjemstva «Minskaŭtadar — Centr», jakoje absłuhoŭvaje darohi Minskaj vobłaści. Transpartnaja inśpiekcyja Mintransa budzie vykonvać u prajekcie funkcyi kantrolu.
«Vaha transpartu budzie fiksavacca ŭ dynamičnym režymie, atrymanaja ž infarmacyja budzie pastupać pa śpiecyjalnych kanałach suviazi ŭ transpartnuju inśpiekcyju. U vyniku my zmožam ažyćciaŭlać nie sucelny, a vybaračny kantrol transpartnych srodkaŭ, pa jakich nazirajecca pieravyšeńnie habarytaŭ», — adznačyŭ Lemieš.
Vahahabarytny kantrol za prajezdam ciažkavažkich i bujnahabarytnych transpartnych srodkaŭ pa aŭtamabilnych darohach ahulnaha karystańnia transpartnaja inśpiekcyja vykonvaje na stacyjanarnych i pierasoŭnych pastach. U studzieni—červieni 2015 hoda śpiecyjalisty pravodzili vymiareńni na 194 abstalavanych placoŭkach, raźmieščanych u pałasie advodu aŭtamabilnych daroh. Za pieršaje paŭhodździe na pastach vahahabarytnaha kantrolu ŭzvažana amal 32 tys. transpartnych srodkaŭ i vyjaŭlena pry hetym bolš za 2,8 tys. adzinak transpartu (8,9%), ź pieravyšeńniem dapuščalnych vahahabarytnych paramietraŭ.
Kamientary