Trecim dakumienty na rehistracyju inicyjatyŭnaj hrupy pa vyłučeńni kandydatam u prezidenty padaŭ lidar Libieralna-demakratyčnaj partyi Siarhiej Hajdukievič. Kiraŭnikom jaho inicyjatyŭnaj hrupy budzie jaho namieśnik Anatol Chiščanka, kaardynataram hrupy — jaho syn Aleh Hajdukievič.
Inicyjatyŭnaja hrupa naličvaje kala 2 480 čałaviek, heta značna mieniej, čym minułyja hady, kali było bolš za 10 tys. čałaviek.
Siarhiej Hajdukievič paabiacaŭ, što paśla zboru podpisaŭ pakaža ŭsie podpisy žurnalistam, kab nie było sumnieńniaŭ u ich dastaviernaści.
Jon taksama, nie nazyvajučy imionaŭ, abrynuŭsia z krytykaj na inšych kandydataŭ u prezidenty, jakija, na jaho dumku, aktyŭnyja tolki ŭ internecie, a nie na spravie. «Heta hańba», — skazaŭ lidar ŁDP.
Jon taksama dadaŭ, što nie dumaje zdymacca z vybarčaj honki, jak u 2010 h., i skazaŭ, što jon nijaki nie sparynh-partnior Łukašenki, a sapraŭdnyja sparynh-partniory, heta kandydaty ad apazicyi.
Kamientary