Jaje stvorać režysior Devid Finčar i muzyka Trent Reznar.
Piśmieńnik Čak Pałanik paviedamiŭ žurnalistam ab padrychtoŭcy režysioram Devidam Finčaram rok-opiery pa matyvach ramana «Bajcoŭski kłub» supolna z muzykam Trentam Reznaram, pieradaje The Verge.
Taksama paviedamlałasia (va ŭžo vydalenym tvicie), što nad prajektam budzie pracavać bradviejski režysior Džulija Tajmar, jakaja raniej pracavała nad sceničnymi adaptacyjami «Karala lva» i «Čałavieka-pavuka».
Imavierna, rok-opiera chutčej budzie aryjentavacca nie na aryhinalnuju knihu ci jaje komiks-praciah, a na ekranizacyju Devida Finčara. Reznar pisaŭ saŭndtreki da apošnich troch filmaŭ Finčara.
***
Aryhinalny raman Pałanika «Bajcoŭski Kłub» vyjšaŭ u 1996 hodzie i chutka staŭ biestseleram, u 1999 hodzie vyjšaŭ adnajmienny film z Bredam Pitam i Edvardam Nortanam u hałoŭnych rolach, jaki ŭvachodzić u dziasiatku lubimych filmaŭ hledačoŭ pa viersii IMDb. U mai 2015 hoda byli apublikavanyja pieršyja staronki «Bajcoŭskaha kłuba-2», komiksa za aŭtarstvam Pałanika ź ilustracyjami Kamierana Ściuarta.
«Bajcoŭski kłub» raspaviadaje historyju hieroja siaredniaha ŭzrostu, stomlenaha ad šeraha žyćcia, svajoj pracy i biassońnia. Jon sustrakaje žvavaha pradaŭca myła Tajlera, praciŭnika kansiumieryzmu. Razam jany ładziać Bajcoŭski kłub — spačatku kab prosta «vypuścić paru». Paźniej kłub pierarastaje ŭ anarchičny prajekt «Razhrom».
Kamientary