Złučanyja Štaty Amieryki zacikaŭlenyja ŭ admienie sankcyj u adnosinach da Respubliki Biełaruś, ale čakajuć krokaŭ nasustrač z boku biełaruskich uładaŭ. Pra heta ŭ intervju prahramie «Kontury» telekanała ANT viečaram 12 lipienia zajaviŭ časovy pavierany ŭ spravach ZŠA ŭ Biełarusi Skot Rołand.
«Sankcyi padaŭžajucca štohod na padstavie ŭkaza ad 2006 hoda. Jany źjaŭlajucca adrasnymi i nie nakiravanyja suprać šarahovych hramadzian Biełarusi. Naša palityka ŭ hetym pytańni ŭzhadniajecca ź Jeŭrapiejskim sajuzam», — skazaŭ amierykanski dypłamat.
«U kančatkovym vyniku, my sami zacikaŭlenyja ŭ admienie sankcyj i adnaŭleńni narmalnych stasunkaŭ. Ale adbycca heta moža tolki ŭ vyniku kankretnych krokaŭ z boku biełaruskaha ŭrada, — zajaviŭ kiraŭnik dypmisii ZŠA ŭ Minsku. — U toj ža čas Złučanyja Štaty pierakananyja, što roznahałośsi ŭ niekatorych abłaściach nie vyklučajuć mahčymaści raźvivać stasunki tam, dzie našy intaresy supadajuć — ekanamičny rost, handal, padtrymka niezaležnaści i suvierenitetu Biełarusi. My ŭpeŭnienyja, što nieabchodna imknucca da prahresu ŭ tych halinach, dzie našy intaresy supadajuć».
Taksama Rołand padkreśliŭ, što Złučanyja Štaty Amieryki niejtralnyja što da kandydataŭ na vybarach prezidenta Biełarusi.
«U nas vyraznaja pazicyja ŭ dačynieńni da lubych vybaraŭ va ŭsim śviecie, — zajaviŭ amierykanski dypłamat. — My zaklikajem da praviadzieńnia vybaraŭ jak spraviadlivaha i prazrystaha pracesu, u jakim vyjaŭlajecca vola naroda».
ZŠA, pa słovach kiraŭnika ambasady, «nie raz zajaŭlali, što my ni «za» i ni «suprać» niejkaha kankretnaha kandydata na biełaruskich vybarach». «My vystupajem u padtrymku pracesu spraviadlivaha, prazrystaha i svabodnaha ad zapałochvańnia. Udzieł u hetym pracesie pavińnia być dastupny ŭsim», — adznačyŭ Rołand.
Pieradvybarčaja kampanija, jak padkreśliŭ amierykanski dypłamat, nie mienš važnaja, čym samo hałasavańnie — heta ahulnaja pazicyja Złučanych Štataŭ i ABSIE. «My zaklikajem ułady dać mahčymaść pradstaŭnikam hramadzianskaj supolnaści i apazicyjnych partyj zarehistravacca ŭ jakaści kandydataŭ i bieź pieraškod udzielničać u kampanii», — zajaviŭ kiraŭnik dypmisii ZŠA ŭ Miensku.
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie9
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary