U vychodnyja da +34 i daždžy z navalnicami

Haračaje nadvorje abiacajuć sinoptyki ŭ vychodnyja: tempieratura pa krainie dasiahnie 34 hradusaŭ ciapła. Nie abydziecca biez daždžoŭ, navalnic i paryvistaha vietru.

Pavialičyć

Na bolšaj častcy terytoryi krainy zachavajecca vysokaja pažarnaja niebiaśpieka, tamu lasy ŭ Biełarusi masava zakryvajuć.

Užo ŭ pačatku nastupnaha tydnia śpioka pačnie adstupać, raspavioŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.

U subotu, 13 červienia, umovy nadvorja na terytoryi Biełarusi buduć vyznačać atmaśfiernyja franty, jakija źmiaščajucca z paŭdniovaha zachadu Jeŭropy, i ciopłaja pavietranaja masa. Nočču pa zachadzie, dniom u mnohich rajonach krainy karotkačasovyja daždžy, miescami navalnicy. Tempieratura pavietra ŭnačy ad +8°S pa ŭschodzie da + 17°S pa paŭdniovym zachadzie, dniom +25 — + 31°S.

U Minsku čakajecca pieramiennaja vobłačnaść. Nočču biez apadkaŭ, dniom karotkačasovy doždž, mahčyma navalnica. Viecier paŭdniovy 5-10 m/s, pry navalnicy paryvy da 12 m/s. Tempieratura nočču +11 — + 13°S, dniom +26 — + 28°S.

U niadzielu, 14 červienia, nočču miescami, dniom na bolšaj častcy terytoryi karotkačasovyja daždžy, navalnicy, pry navalnicach uzmacnieńnie vietru paryvami da 15-20 m/s. Tempieratura nočču +12 — + 19°S, dniom +27 — + 34°S, u paŭnočna-zachodnich rajonach trochi bolš śviažej: 24 — +26°S.

U Minsku pieramiennaja vobłačnaść, karotkačasovy doždž, mahčyma navalnica. Tempieratura nočču +15 — + 17°S, dniom 29 — +31°S.

U pačatku tydnia z paŭnočna-zachodnich rajonaŭ śpiakota pačnie adstupać:

U paniadziełak, 15 červienia, Biełaruś budzie znachodzicca pad upłyvam aktyŭnaha atmaśfiernaha frontu i vielmi ciopłych pavietranych mas, jakija pieramiaščajucca z paŭdniovaha zachadu Jeŭropy. Na bolšaj častcy terytoryi karotkačasovyja daždžy, miescami navalnicy.

Dniom u asobnych rajonach mocnyja daždžy, pry navalnicach uzmacnieńnie vietru paryvami da 15-20 m/s, mahčymy hrad.

Tempieratura nočču +10 — +17°S, pa paŭdniovym uschodzie da +19°S; dniom ad +19°S pa paŭnočnym zachadzie da +33°S pa paŭdniovym uschodzie krainy.

U aŭtorak, 16 červienia, pieravažna pa paŭdniova-ŭschodniaj pałovie krainy karotkačasovyja daždžy, miescami mocnyja daždžy, navalnicy, pry navalnicach uzmacnieńnie vietru paryvami da 15-20 m/s. Tempieratura nočču 7 — +14°S, dniom +15 — + 20°S; pa paŭdniovym uschodzie nočču +15 — +19°S, dniom 21 — + 26°S.

• 0
• 0
• 0
• 0
• 0
• 0
• 0
• 0