CVK prapanuje pravieści vybary prezidenta Biełarusi 11 kastryčnika. Pra heta siońnia žurnalistam paviedamiła staršynia Centrvybarkama Lidzija Jarmošyna.
Pa słovach Lidzii Jarmošynaj, hetaja data apraŭdanaja, bo nie pryjdziecca źbirać pazačarhovuju siesiju parłamienta.
«Parłamient, pracujučy ciapier, da svajho sychodu na vakacyi moža abviaścić vybarčuju kampaniju», — skazała jana.
Kiraŭnik CVK budzie źviartacca ŭ parłamient, kab heta adbyłosia 30 červienia. Lidzija Jarmošyna miarkuje, što hety dzień možna budzie ličyć pačatkam vybarčaj kampanii.
Nahadajem, što raniej Jarmošyna nazyvała najbolš vierahodnaj dataj 15 listapada.
Tak, u studzieni 2015 h. staršynia CVK zajaviła, što «samaja vierahodnaja data — 15 listapada 2015 hoda. Heta apošniaja mahčymaja niadziela dla praviadzieńnia vybaraŭ, bo ŭ adpaviednaści z Kanstytucyjaj Respubliki Biełaruś jany pavinny adbycca nie paźniej za dva miesiacy da zakančeńnia paŭnamoctvaŭ kiraŭnika dziaržavy (termin zakančvajecca 21 studzienia 2016 hoda). Hetaja data daviedziena Centralnaj vybarčaj kamisijaj da viedama kiraŭnika dziaržavy i papiarednie ŭchvalena im jak samaja vierahodnaja. nam niama sensu stvarać tut intryhu. Tamu i palityčnym partyjam, i biespartyjnym suiskalnikaŭ pasady prezidenta varta aryjentavacca na hety termin. Tak praściej im i nam», — skazała Jarmošyna ŭ intervju «Biełaruskaj dumcy».
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki2
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary