Jarmošyna: Samaja vierahodnaja data prezidenckich vybaraŭ — 15 listapada
Samaja vierahodnaja data praviadzieńnia prezidenckich vybaraŭ u Biełarusi ŭ hetym hodzie - 15 listapada.
Pra heta zajaviła ŭ intervju časopisu «Biełaruskaja Dumka» staršynia Centralnaj kamisii Respubliki Biełaruś pa vybarach i praviadzieńni respublikanskich refierendumaŭ Lidzija Jarmošyna.
«Na hety momant samaja vierahodnaja data — 15 listapada 2015 hoda. Heta apošniaja mahčymaja niadziela dla praviadzieńnia vybaraŭ, bo ŭ adpaviednaści z Kanstytucyjaj Respubliki Biełaruś jany pavinny adbycca nie paźniej za dva miesiacy da zakančeńnia paŭnamoctvaŭ kiraŭnika dziaržavy (termin zakančvajecca 21 studzienia 2016 hoda). Hetaja data daviedziena Centralnaj vybarčaj kamisijaj da viedama kiraŭnika dziaržavy i papiarednie ŭchvalena im jak samaja vierahodnaja. nam niama sensu stvarać tut intryhu. Tamu i palityčnym partyjam, i biespartyjnym suiskalnikaŭ pasady prezidenta varta aryjentavacca na hety termin. Tak praściej im i nam», — skazała Jarmošyna.
Jana taksama adznačyła, što ŭ inšych dziaržavach vybary čaściej za ŭsio pravodziać u sakaviku i listapadzie. «Hetyja miesiacy nie źviazanyja z asnoŭnymi śviatami jak relihijnymi, tak i śvieckimi, jakija adznačajuć narody. Pa-druhoje, jany nie supadajuć ź siezonam adpačynkaŭ, kanikuł i hetak dalej. U hety pieryjad znachodziacca ŭ rabočym stanie ŭstanovy adukacyi, dzie pa ahulnapryniataj praktycy raźmiaščajucca ŭčastki dla hałasavańnia», — patłumačyła kiraŭnik CVK.
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary