Pad Minskam rabotnik žanočaha manastyra špakoŭniaj zabiŭ sabutelnika
Prakuratura Minskaj vobłaści nakiravała ŭ sud kryminalnuju spravu ŭ dačynieńni da raniej sudzimaha 22-hadovaha žychara Minska, jaki abvinavačvajecca ŭ naŭmysnym zabojstvie z asablivaj žorstkaściu 32-hadovaha žychara Zelvienskaha rajona.
Pavodle abvinavačańnia, roznarabočy adnaho z žanočych manastyroŭ Minskaj vobłaści ŭ vieraśni 2014 hoda paznajomiŭsia tam ža z 32-hadovym mužčynam, jaki zaprasiŭ jaho ŭ hości ŭ viosku Abčak Minskaha rajona.
Padčas raśpivańnia śpirtnych napojaŭ pamiž mužčynami ŭźnik kanflikt, i hość nanios haspadaru doma z asablivaj žorstkaściu vialikuju kolkaść udaraŭ nahami, rukami i draŭlanaj špakoŭniaj u žyćciova važnyja orhany: hałavu, šyju i tułava. Ad ciažkich cialesnych paškodžańniaŭ toj pamior na miescy złačynstva.
Pakinuŭšy lažać na padłozie zabitaha mužčynu, zabojca pieranačavaŭ u jaho domie, a ranicaj nastupnaha dnia, nakryŭšy paciarpiełaha koŭdraj, zamknuŭ dom na kluč i źjechaŭ u Minsk. Trup 32-hadovaha mužčyny byŭ znojdzieny svajakami paśla amal što dvuch miesiacaŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary