Kiraŭnik dziaržavy Alaksandr Łukašenka vyzvaliŭ Alaksandra Radźkova ad pasady pamočnika prezidenta pa stanie zdaroŭja. Adpaviednaje rasparadžeńnie kiraŭnik dziaržavy padpisaŭ 18 maja.
Alaksandr Radźkoŭ naradziŭsia ŭ 1951 h. u vioscy Votnia (Bychaŭski rajon). Doktar piedahahičnych navuk. U 2001—2003 hh. jon byŭ rektaram Mahiloŭskaha dziaržaŭnaha ŭniviersiteta (2001—2003). u 2003—2010 hh. — ministram adukacyi, ad 2010-ha — pieršym namieśnikam kiraŭnika Administracyi prezidenta. Ad 2014 byŭ pamočnikam prezidenta. Uznačalvaje «Biełuju Ruś». Źjaŭlaŭsia taksama kiraŭnikom inicyjatyŭnaj hrupy Łukašenki na prezidenckich vybarach — 2010.
U 2014-m Radźkova farmalna panizili, pieravioŭšy ź pieršaha namieśnika kiraŭnika AP u ranh pamočnika. Ale jon faktyčna atrymaŭ nieabmiežavany dostup da kiraŭnika krainy. Mienavita ŭ abaviazki Radźkova ŭvachodzili aznajamleńnie Łukašenki sa śviežymi navinami, padrychtoŭka sustreč i telefonnych razmovaŭ.
Radźkoŭ taksama zapomniŭsia tym, što pry im začynili Kołasaŭski licej, pieraviali vykładańnie historyi na ruskuju movu, a taksama za podpisam hetaha čałavieka išli farmulary ab «niedapuščeńni prymusovaj biełarusizacyi ŭ Bresckaj vobłaści».
«Kali niama kansalidacyi, niama adzinaha nacyjanalnaha lidara, to, jak pakazvaje situacyja ŭ susiedniaj krainie, moža być vajna», — zajaviŭ jon na źjeździe «Biełaj Rusi» ŭ listapadzie 2014 hoda.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
Kamientary