Pradprymalnik Kryval zapatrabavaŭ sudu na biełaruskaj movie
U vyniku sud adkładzieny.
Sud nad aktyvistam kampanii "Za svabodnaje raźvićcio pradprymalnictva", žycharom horada Uzda Viktaram Kryvalom pieraniesieny na 27 lutaha. Takoje rašeńnie pryniaŭ 11 lutaha Minski rajonny sud.
Jak paviedamiŭ BiełaPAN V.Kryval, jon abvinavačvajecca ŭ "niepadparadkavańni zakonnym patrabavańniam rabotnikaŭ milicyi". Razmova idzie ab padziejach 10 studzienia, kali V.Kryval i jašče adzin aktyvist kampanii Alaksandr Cacura razam z žonkaj Tamaraj i synam Iljoj byli spynieny na aŭtatrasie Minsk — Słuck kala Samachvałavičaŭ. Pradprymalniki nakiroŭvalisia ŭ Minsk, hdie ŭ hety dzień prachodziła akcyja pratestu pradprymalnikaŭ. Mikraaŭtobus, jaki naležyć A.Cacuru, spynili rabotniki DAI. U pradprymalnika zabrali pravy, abvinavaciŭšy ŭ parušeńni praviłaŭ darožnaha ruchu, i nie dazvolili jechać dalej. Kali ŭsie čaćviora nakiravalisia ŭ Minsk pieššu, ich zatrymali i dastavili ŭ RUUS Minskaha rajona, dzie skłali pratakoły.
"U pratakole napisali, što my akazali niepadparadkavańnie zakonnym patrabavańniam supracoŭnikaŭ milicyi, chapali za formiennaje adzieńnie, vyryvalisia i sprabavali ŭciačy. Padkreślu, što ŭ našym zatrymańni brali ŭdzieł 14 milicyjanieraŭ: šeść rabotnikaŭ darožna-patrulnaj słužby i vosiem — patrulna-pastavoj słužby, uzbrojenych dubinkami i pistaletami", — paviedamiŭ V.Kryval. Pratrymaŭšy ŭ adździaleńni milicyi siem hadzin, ich adpuścili, a praz dva tydni ŭsim čatyrom prysłali pozvy ŭ sud.
Siońnia ŭ sudzie V.Kryval zapatrabavaŭ, kab pasiadžeńnie viałosia na biełaruskaj movie. "Sudździa adchiliŭ majo chadajnictva. U svaju čarhu ja zajaviŭ, što admaŭlajusia adkazvać na pytańni, jakija zadajucca mnie na ruskaj movie", — paviedamiŭ pradprymalnik. Paśla hetaha sudździa zajaviŭ ab pieranosie pracesu na 27 lutaha z-za niajaŭki śviedak. U jakaści śviedak pavinny byli vystupać A.Cacura, jaho žonka i syn. "Sam Alaksandr siadzić u śledčym izalatary, a žonka i syn zachvareli", — zaznačyŭ V.Kryval.
Jak raniej paviedamlaŭ BiełaPAN, A.Cacuru i byłoha namieśnika staršyni Biełaruskaj žanočaj partyi "Nadzieja" Łarysu Nasanovič 29 studzienia rajonny sud Salihorska pryhavaryŭ da 15 sutak aryštu za ŭdzieł u niesankcyjanavanym schodzie ŭ Salihorsku 28 studzienia.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary