Ministr Šunievič prymaŭ parad u formie kamisara raboča-sialanskaj milicyi NKVD FOTA
Padčas paradu 9 Maja dziŭnym abmundziravańniem vyłučyŭsia ministr unutranych spraŭ Ihar Šunievič. Usie vysokija čynoŭniki stajali vakoł Łukašenki ci to ŭ cyvilnych strojach, ci ŭ paradnych vajskovych mundzirach.
Adnak na Šunieviču hetym razam byŭ nie zvyčny paradny dvubortny kiciel i adpaviednyja štany z łampasami. Ministr stajaŭ u ciomna-siniaj himnaściorcy z žorstkim kaŭnierykam, partupiei, halife ź biruzovymi łampasami, zapraŭlenymi ŭ boty, i siniaj furažcy ź biruzovym akołyšam.
Forma takoha ŭzoru była ŭviedziena ŭ 1943 hodzie dla supracoŭnikaŭ raboča-sialanskaj milicyi NKVD SSSR. Tady była ŭviedzienaja i paradnaja forma, ale za časam vajny jana nie vykarystoŭvałasia — napeŭna tamu Šunievič źjaviŭsia ŭ himnaściorcy i halife, a nie ŭ kicieli i štanach.
Što za pahony byli na Iharu Šunieviču, razhledzieć mahčymaści nie było, ale kab trymacca histaryčnaj dakładnaści, ministr unutranych spraŭ na čas paradu musiŭ pieratvarycca ŭ kamisara milicyi 2 ranha: mienavita hety čyn u tyja časy adpaviadaŭ zvańniu hienierał-lejtenanta, jakoje nosić Šunievič.
Atrymać kamientar ad pres-słužby MUS Biełarusi nakont paradnaj formy Šunieviča pakul nie ŭdałosia. Kiraŭnik pres-słužby MUS Kanstancin Šalkievič patłumačyŭ, što jon pakul nie razmaŭlaŭ ź ministram nakont jaho paradnaj formy.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary