Pałata pradstaŭnikoŭ admoviłasia abvieścić 2008 hod — Hodam biełaruskaj dziaržaŭnaści. U jakaści arhumentu, siarod inšaha, było skazana, što jość pieralik śviataŭ, jakija zaćviardžaje prezydent, a dnia 25 Sakavika tam niama.
«Paviedamlajem vam, što ŭ Respublicy Biełaruś pieralik dziaržaŭnych śviataŭ i pamiatnych dat vyznačanych Ukazam Prezidenta Respubliki Biełaruś ad 26 sakavika 1998 hoda. 25 sakavika — dzień pryniacca 3‑iaj Ustaŭnoj hramaty BNR — u hety pieralik nie ŭvachodzić, i na našu dumku, nie moža być u jaho ŭklučany».
«Abviaščeńnie BNR adbyłosia ŭ vielmi składanych i supiarečnych umovach. […] Byli stvorany peŭnyja palityčnyja struktury, jakija vydavali siabie za ŭładnyja orhany, ale, tym nie mienš, BNR nie atrymała pryznańnia z boku ŭładaŭ viadučych krain śvietu. Akramia taho, bolšaja častka terytoryi Biełarusi była ŭ toj čas akupavana niamieckimi vojskami, tamu havaryć ab niezaležnaści abvieščanaj 25 sakavika 1918 hoda dziaržavy nie davodzicca».
«Uličvajučy vyšejzhadanaje, my nie znachodzim dastatkovych padstaŭ dla pryniaćcia zachadaŭ dla abviaščeńnia 2008 hoda Hodam biełaruskaj dziaržaŭnaści, a taksama dla praviadzieńnia na dziaržaŭnym uzroŭni inšych mierapryjemstvaŭ, źviazanych z 90‑hodździem z dnia abviaščeńnia BNR».
Nahadvajem, što 8 studzienia adbyłosia pašyranaje pasiadžeńnie sustaršyniaŭ Ahulnanacyjanalnaha arhkamitetu pa śviatkavańni 90‑ch uhodkaŭ BNR. Byli pryniatyja zvaroty da biełaruskaha narodu i orhanaŭ ułady Respubliki Biełaruś «Ab abviaščeńni 2008 hoda, hoda 90‑ha jubileju Biełaruskaj Narodnaj Respubliki, — Hodam biełaruskaj dziaržaŭnaści». Siarod prapanoŭ Arhkamitetu — šerah mierapryjemstvaŭ, nakiravanych na papularyzacyju siarod nasielnictva hetaj padziei: ustalavańnie pamiatnych histaryčnych šyldaŭ, dapamoha ŭ vydaviectvie navukova‑publicystyčnych i mastackich tvoraŭ, pryśviečanych historyi BNR, praviadzieńnie ŭračystych schodaŭ i kancertaŭ i inš., viartańnie ŭ zakanadaŭčaje pole i lehalny hramadski ŭžytak nacyjanalnaj histaryčnaj simvoliki i atrybutyki BNR, abviaščeńnie 25 sakavika dziaržaŭnym śviatam.
Da momantu stvareńnia pres‑centra Ahulnanacyjanalnaha arhkamitetu pa śviatkavańni 90‑ch uhodkaŭ BNR z pytańniami i prapanovami źviartajciesia: [email protected], [email protected], (029) 632‑00‑92 (Alena Makoŭskaja), (029) 625‑83‑78 (Nina Šydłoŭskaja).
Kamientary