Aziory na Marsie źjaŭlalisia i źnikali prynamsi dvojčy
Vada zamarožvałasia i adtajvała ŭ vyniku hieałahičnaj aktyŭnaści.
Ślady staražytnaha voziera ŭ marsijanskim kratary Jeziera śviedčać pra toje, što vada na pavierchni Marsa nie prosta źnikła — jana źjaŭlałasia i źnikała prynamsi dvojčy. Ab hetym amierykanskija płanietołahi pišuć u časopisie Journal of Geophysical Research: Planets.
Płanietołahi znajšli blizu kolišniaha voziera ŭ ekvataryjalnym kratary Jeziera ślady taho, što vada źjaŭlałasia i źnikała ŭ im nie raz.
Pa źviestkach z zondu Mars Reconnaissance Orbiter navukoŭcy daśledavali ślady kanałaŭ kala voziera, pa jakich vada uciakała i vyciakała ź jaho. Kala kanałaŭ byli znojdzienyja ślady asadačnych parod, u tym liku hliny.
Z dapamohaj śpiektromietra CRISM na zondzie navukoŭcy «praśviacili» hlinu i paraŭnali jaje ź inšymi hlinami blizu voziera. Analiz pakazaŭ, što ŭzrost hliny ŭ kanałach nie supadaje z uzrostam samich kanałaŭ. To značyć, vadaraździeł, dzie sfarmavałasia daśledavanaja hlina, paźniej paśpieŭ pakrycca śviežymi naniesienymi parodami.
Z hetaha navukoŭcy zrabili vysnovu: na Marsie było prynamsi dva asobnych «vodnych» pieryjady, kali vada na pavierchni isnavała nie ŭ formie lodu. Adkryćcio ŭpisvajecca ŭ teoryju ab tym, što akijany na Marsie rehularna zamiarzali i adtajvali.
Pryčynaj adtajvańnia vady mahli być sinchronnyja vyviaržeńni vułkanaŭ albo inšaja hieałahičnaja aktyŭnaść.
Navukoŭcy kažuć, što adkryćcio robić kratar Jeziera idealnym miescam dla pošuku śladoŭ marsijanskaha žyćcia. Kali žyćcio i mahło zaradzicca ŭ takim pieramienlivym vodnym režymie, to jaho varta šukać u aziorach kala vułkanaŭ.
Čytajcie taksama:
Curiosity znajšoŭ ślady azioraŭ na Marsie
Navukoŭcy: akijan pakryvaŭ 20% pavierchni Marsa
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary