Navukoŭcy: akijan pakryvaŭ 20% pavierchni Marsa
Dy było toje 4,5 młrd hod tamu.
Navukoŭcy NASA znajšli śviedčańni taho, što akijan na Marsie mieŭ bolšuju płošču, čym ličyłasia raniej, raspaviadaje The Guardian.
Daśledavańni infračyrvonych zdymkaŭ pakazali, što ŭ atmaśfiery Marsa ŭ 6 razoŭ bolš dejteryja (vadarodu z adnym pratonam i adnym niejtronam u jadry), čym u atmaśfiery Ziamli. U adroźnieńnie ad prostaj vady, jakaja ŭlatučyłasia ŭ kosmas ź ciaham času, ciažkaja vada (u skład jakoj uvachodzić dejteryj) ciažej pakidała płanietu.
U śniezie na paŭdniovym polusie znajšłosia bahata ciažkoj vady — navukoŭcy robiać vysnovu, što i zvyčajnaj vady było bolš, čym mierkavałasia raniej.
Kala 87% marsijanskaha akijana vyparyłasia ŭ kosmas, na płaniecie zastałosia tolki 13% kolišniaj vady. A niekali vady na Marsie musiła chapić na akijan hłybinioj nie mienš za 137 mietraŭ.
Mierkavany akijan znachodziŭsia ŭ nizinnaj raŭninie ŭ paŭnočnym paŭšarji i zajmaŭ 20% pavierchni płaniety.
Ličycca, što vozieram byŭ i kratar Hiejła, u jakim zaraz znachodzicca marsachod Curiosity. Niekatoryja teoryi kažuć, što bahata vady na Marsie zastałosia pad pavierchniaj.
Pakul klimatyčnyja madeli staražytnaha Marsa niedaskanałyja. Pad pytańniem toje, jak jon moh być dastatkova ciopłym u rańni pieryjad: ciepłyniu mahli dać parnikovyja hazy, ale pakul nie znojdziena dastatkovych ich śladoŭ.
Pošuki marsijanskaj vady i mahčymych śladoŭ žyćcia na Marsie praciahnucca z zapuskam u 2018 hodzie marsachodu Jeŭrapiejskaha kaśmičnaha ahienctva.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu19
Kamientary