Kapitan zbornaj Ukrainy pa futbole Anatol Cimaščuk razam z partniorami pa kamandzie napiaredadni adboračnaha matča suprać Ispanii naviedaŭ u Kijevie špital z paranienymi ŭkrainskimi vajskoŭcami. Z adnym ź ich Cimaščuk navat zrabiŭ sełfi.
«Jany – hieroi. Viadoma, sa svajho boku my padtrymlivajem ich jak možam. Vajna – heta hora dla krainy, dla kožnaj siamji. Kožny z nas zacikaŭleny ŭ tym, kab vajny nie było. Vieru, što naš prychod siudy moža dać mahčymaść im chutčej papravicca, vyjści z hetaha stanu i atrymlivać asałodu ad žyćcia», — skazaŭ Cimaščuk pa vychadzie z vajskovaha špitala.
Varta adznačyć, što na siońniašni dzień Anatol Cimaščuk źjaŭlajecca futbalistam picierskaha «Zienita». U Rasii adrazu pačalisia napadki na futbalista, jaki padtrymaŭ «banderaŭcaŭ».
«Za padtrymku bandfarmiravańniaŭ, zabojcaŭ, rabaŭnikoŭ zabaranić Cimaščuku ŭjezd na terytoryju Rasii, a taksama nakłaści abaviazak na «Zienit» skasavać ź im kantrakt», - heta adna z samych cenzurnych prapanovaŭ, što źjaŭlajucca ŭ sacyjalnych sietkach.
Skandalnaje prakramloŭskaje internet-vydańnie lifenews.ru adrazu zrabiła ŭpor na tym, što ŭ Rasii Cimaščuk atrymlivaje kala troch miljonaŭ jeŭra. Maŭlaŭ, taki vialiki zarobak i takaja niaŭdziačnaść.
Zrešty, nie ŭsie ŭ Rasii asudzili Cimaščuka za taki krok. Viadomy rasijski kamientatar Alaksiej Andronaŭ napisaŭ u tvitary: «Reśpiekt, družyšča!»
Samy viadomy zaŭziatar picierskaha «Zienita», śpiavak i akcior Michaił Bajarski skazaŭ: «Cimaščuka treba razhladać jak futbalista. Jon moža stasavacca z kim zaŭhodna: z prastytutkami, z žurnalistami, z kasmanaŭtami, z ankvałanhistami. Z kim zaŭhodna. Ź ludźmi luboj aryjentacyi. Heta jaho asabistaja sprava. Sudzić jaho možna tolki za hulniu na poli».
Anatol Cimaščuk – daśviedčany futbalist. Jamu 35 hadoŭ, rodam z Łucka. Viadomaść zasłužyŭ paśla pierachodu ŭ daniecki «Šachcior», u składzie jakoha pravioŭ amal 10 hadoŭ. Cimaščuk pahulaŭ za hranda jeŭrapiejskaha futboła miunchienskuju «Bavaryju». A ciapier vystupaje za «Zienit».
Ciapier čytajuć
Pamiatajecie Daniłu z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ i z čaho ŭsio pačałosia
Kamientary