Patent 1891 hoda patłumačyŭ, jakim bokam pravilna viešać tualetnuju papieru
Daŭniaja sprečka vyrašanaja: adryŭnym bokam da siabie, a nie da ściany.
Adnu z samych haračych sprečak u internecie vyrašyŭ redaktar časopisa The Next Web Oŭen Uiljams. U svaim tvitary jon apublikavaŭ vyjavu z patentu, što adnaznačna tłumačyć, jakim bokam pravilna viešać rułon papiery.
Usie vyjavy ŭ patencie 1891 hoda amierykanskaha biznesoŭca Seta Uilera na pierfaravany rułon papiery pakazvajuć rułon adryŭnym bokam da karystalnika, a nie da ściany.
Takim čynam možna zaklučyć, što stvaralnik pierfaravanaha rułona vystupaŭ za varyjant «papieraj da karystalnika, chacia sam patent nie ŭtrymlivaje pramych ukazańniaŭ na toje, jaki bok «pravilny».
Na momant publikacyi tvit Uiljamsa nabraŭ amal 3,5 tysiačy retvitaŭ, bolš za 2 tysiačy čałaviek dadali tvit u «abranaje».
Prablema prastoravaj aryjentacyi rułonu pryvodzić da haračych sprečak, sacyjałahičnyja apytańni pakazvajuć prykładna roŭnuju kolkaść prychilnikaŭ abiedźviuch aryjentacyj. Niekatoryja śćviardžajuć, što takija sprečki mohuć stać pryčynaj razvodu.
Mičyhanski entuzijast Bił Džaret prapanavaŭ u 2006 hodzie pravieści ŭ ZŠA nacyjanalny refierendum ab pravilnaj aryjentacyi papiery, kab raz i nazaŭždy vyrašyć sprečku. A techaski inžynier Kiortys Bats prapanavaŭ dla vyrašeńnia prablemy razvarotny trymalnik papiery Tilt-A-Roll.
***
Mnohija zvykłyja siońnia vynachodki častka čałaviectva vykarystoŭvaje niapravilna. Lehienda kaža, što vynachodnik pakiecika dla cukra ŭ formie trubački (sugar stick) skončyŭ žyćcio samahubstvam, kali daviedaŭsia, jak karystajucca jaho vynachodkaj. Mnohija nadryvajuć pakiecik la kraja, tym časam jak vynachodnik praduhledžvaŭ, što pakiecik budzie zručna nadłomvać u siaredzinie.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary