Usio bolš tvorcaŭ dałučajecca da fłeš-mobu, jaki inicyjavaŭ paet i mastak Adam Hlobus. Jon sam pračytaŭ vierš «Malitva» i zaklikaŭ inšych biełarusaŭ maralna padtrymać śpiavačku Nastu Špakoŭskuju, na jakuju padaŭ u sud kampazytar Aleh Moŭčan.
Svaju versiju kampazycyi na słovy Janki Kupały zapisaŭ paet i muzyka z Homielu Siarhiej Bałachonaŭ. Paet i muzyka Bajsan pračytaŭ Kupałavy vierš i źniaŭsia razam z Nastaj Špakoŭskaj ŭ niu-fotasesii ŭ padtrymku svabody tvorčaha samavyjaŭleńnia. Da fłeš-mobu dałučylisia taksama naviedniki samych masavych biełaruskamoŭnych kursaŭ «Mova Nanova» Hleba Łabadzienki. 230 čałaviek pračytali vierš «Malitva» u varyjancie Ŭładzimiera Mulavina (jon skampilavaŭ dva vieršy Kupały ŭ adzin).
Ciapier svaju versiju «Malitvy» pradstaŭlaje śpiavačka Pauline. «My vyrašyli paŭdzielničać u fłeš-mobie ŭ padtrymku hurta Naka, jaki prapanavaŭ Adam Hlobus: pasprabavali zrabić sučasny varyjant tvoru Kupały i pakłali vierš na svaju muzyku, bo my sapraŭdy lubim Kupału, lubim jaho słovy i jaho movu», – zaznačyła Paŭlina.
Što da sudu «Moŭčan vs. Naka», to jon praciahniecca 23 sakavika. Sudovaje pasiedžańnie pačniecca ŭ 14.30 u Viarchoŭnym sudzie (vuł.Vaładarskaja, 8).
Kamientary