Navukoŭcy pieratvaryli kroplu vadkaha mietału ŭ robata
Daloka nie terminatar T-1000, ale vialiki krok napierad.
Kroplu mietału navučyli ruchacca i defarmavacca ŭ zaležnaści ad navakolnaj prastory, a taksama pieratvaracca ŭ pompu, paviedamlaje New Scientist.
Daśledavańnie kitajska-amierykanskaj hrupy navukoŭcaŭ apublikavanaje ŭ časopisie PNAS, tyčycca kantrolu kropli spłava halija z prymiesam indyja i vołava.
Pry źmiaščeńni ŭ salany rastvor i dadavańni ŭ jakaści paliva aluminijevaj stružki kropla vadkaha mietału budzie ruchacca pa peŭnaj trajektoryi ciaham hadziny. Kali kroplu ŭtrymlivać ŭ nieruchomym stanie, jana pačnie pierapampoŭvać kala 50 mł vady na siekundu.
«Heta pieršaja ŭ śviecie pompa z aŭtanomnaj krynicaj enierhii», — zajaŭlaje Czyn Lu, daśledčyk Univiersiteta Cynchua.
Kali daśledčyki pabačyli ruch kropli, to spačatku nie zmahli patłumačyć miechanizm. Jak vyśvietliłasia ŭ čas ekśpierymientaŭ, praz zaradavy dysbałans uźnikaje roźnica cisku miž krajami kropli — heta šturchaje jaje napierad. Pry kantakcie z hidraksidam natryja źjaŭlajucca burbałki vadarodu, što nadajuć dadatkovuju chutkaść.
Vyniki daśledavańnia možna vykarystać dla kantrolu za chutkaściu kropli i kaardynacyi ruchu mnostva kroplaŭ. Da taho ž, u 2014 hodzie hrupa Lu supolna z amierykanskimi navukoŭcami «navučyła» spłaŭ halija prymać niezvyčajnyja formy pry kantakcie z elektryčnym tokam i viartacca ŭ pačatkovy stan.
Pa słovach Lu, daśledavańni dapamohuć stvaryć paŭnafunkcyjanalnych vadkamietaličnych robataŭ, što zmohuć, naprykład, dastaŭlać rečyvy pa trubach ci navat kryvianosnych sasudach.
Navukoviec žartuje, što chacieŭ by vyraścić nie terminatara, a Fłabiera.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary