Jak paviedamiła aficyjnaja pradstaŭnica ŭpraŭleńnia Śledčaha kamiteta pa Viciebskaj vobłaści Ina Harbačova, viečaram 12 studzienia prachožyja paviedamili ŭ milicyju, što na prajeznaj častcy kala doma № 45 pa vulicy Majakoŭskaha ŭ Dokšycach znojdzieny trup mužčyny z prykmietami aŭtanajezdu.
Śledča-apieratyŭnaja hrupa, jakaja vyjechała na miesca zdareńnia, ustanaviła, što zahinuły — miascovy žychar, invalid II hrupy 1963 hoda naradžeńnia.
Padčas ahladu miesca zdareńnia śledčymi sumiesna sa śpiecyjalistami Dziaržaŭnaha kamiteta sudovych ekśpiertyz ustanoŭleny adbitak pratektara šyn aŭtamabila, kiroŭca jakoha, jak miarkujecca, učyniŭ najezd na zahinułaha.
Z metaj vyšuku aŭtamabila ŭ piaci rajonach vobłaści ŭvodziŭsia płan «Pierachop», padčas realizacyi jakoha supracoŭnikami DAI Dokšyckaha RAUS kala doma, raźmieščanaha niepadalok ad miesca darožna-transpartnaha zdareńnia, byŭ znojdzieny aŭtamabil Mazda 626. Padčas ahladu mašyny było vyjaŭlenaje supadzieńnie adbitka pratektara šyn aŭtamabila z vyjaŭlenymi na miescy zdareńnia śladami, na dnie aŭtamabila znojdzienyja ślady kryvi.
Kiroŭca zatrymany i daje pakazańni. Na momant zatrymańnia znachodziŭsia ŭ stanie ałkaholnaha apjanieńnia.
Pa fakcie darožna-transpartnaha zdareńnia Dokšyckim rajonnym adździełam SK raspačataja sprava na padstavie č. 2 art. 317 KK (parušeńnie pravił darožnaha ruchu, jakoje paciahnuła pa nieaściarožnaści śmierć čałavieka). Pryznačany šerah sudovych ekśpiertyz, śledčyja praciahvajuć pracu z padazronym, śviedkami i vidavočcami.
Kamientary