Ukrainskija ŭłady papiaredzili, što abjaznyja šlachi na ŭjeździe ŭ samaabvieščanyja Danieckuju i Łuhanskuju narodnyja respubliki mohuć być zaminavanyja. Patrapić z samaabvieščanych utvareńniaŭ va Ukrainu i nazad možna budzie tolki praź siem KPP, pryčym aŭtobusny ruch spyniajecca.
Jak raspavioŭ žurnalistam aficyjny pradstaŭnik RNBA Andrej Łysienka, usiaho vyznačana 7 kirunkaŭ, na jakich vyrašać pytańni ŭjezdu i vyjezdu buduć ukrainskija pamiežniki, mytniki i supracoŭniki milicyi. «Usie astatnija rubiažy buduć zaminiravanyja», — udakładniŭ jon.
Patrapić z Ukrainy ŭ DNR i ŁNR i viarnucca nazad možna budzie pa nastupnych darohach: Łuhansk — Ščaście - Novaajdar, Łuhansk — Stanica Łuhanskaja — Šyroki, Faščaŭka — Debalcava — Arciomaŭsk, Horłaŭka — Arciomaŭsk, Danieck — Kurachova, Danieck — Maryupal (praz Vałnavachu), Novaazoŭsk — Krasnaarmiejsk — Tałakoŭka — Maryupal.
Łysienka patłumačyŭ, što dla prajezdu praz KPP budzie nieabchodny dakumient, jaki paćviardžaje asobu. Raniej kiraŭnik RNBA Alaksandr Turčynaŭ abviaściŭ ab abmiežavańni ruchu ludziej i tavaraŭ praź liniju frontu na Danbasie. Pavodle jaho słoŭ, u vypadku, kali miascovaść za 30 km ad siami vyšejaznačanych kalidoraŭ budzie abstrelvacca, to i hetyja prajezdy zabłakujuć.
Na zajavy kijeŭskich palitykaŭ adreahavali ŭ Daniecku. Tak, śpikier narodnaha savieta DNR Andrej Purhin skazaŭ, što zajavy Turčynava iduć nasupierak z raniej dasiahnutymi damoŭlenaściami. «Ja ŭsprymaju heta jak sprobu manipulacyi i sprobu cisku pierad pieramovami», — padkreśliŭ jon.
Miž tym Kijeŭ pačaŭ ažyćciaŭlać płany pa błakavańni samaabvieščanych respublik. Z 6 studzienia Dziaržaŭnaja inśpiekcyja Ukrainy pa biaśpiecy na naziemnym transparcie abviaściła ab spynieńni aŭtobusnaha ruchu ŭ DNR i ŁNR. Hetaje rašeńnie tłumačycca mierami biaśpieki.
Kamientary