Bolš za pałovu vypusknikoŭ EHU padtrymali kandydaturu vypusknika prahramy «Mižnarodnaje prava» 2011 hoda Siarhieja Charytonava na pasadu prezidenta Asacyjacyi vypusknikoŭ EHU. Za jaho prahałasavali 63,77% vypusknikoŭ z tych, što ŭziali ŭdzieł u hałasavańni.
Za druhoha kandydata – vypusknika prahramy «Palitałohija i jeŭrapiejskija daśledavańni» 2012 hoda Andreja Majeŭskaha – addali hałasy 23,91% udzielnikaŭ hałasavańnia. 12,32% prahałasavali suprać usich.
«Šanoŭnyja siabry, ja vielmi ŭdziačny vam za davier mnie i majoj kamandzie. Dziakujučy vašamu vybaru my zaraz budziem mieć našmat bolš prablem i našmat mienš volnaha času – tamu što adciapier my adkaznyja za realizacyju nietryvijalnaj i niejmavierna cikavaj zadačy pa zakładańni padmurkaŭ supolnaści, zaklikanaj źjadnać šmat ambicyjnych, niezvyčajnych i simpatyčnych ludziej, jakija kaliści vučylisia razam», – źviarnuŭsia da vypusknikoŭ EHU prezident asacyjacyi Siarhiej Charytonaŭ.
Pa vynikach hałasavańnia, u vykanaŭčy kamitet Asacyjacyi ŭvojduć Andrej Asadčy (Publičnaja palityka, 2012), Siaržuk Haŭrylenka (Miedyja i kamunikacyja, 2009), Śniažana Rohač (Paraŭnalnaja historyja krain Paŭnočna-Uschodniaj Jeŭropy, 2009).
93,48% udzielnikaŭ hałasavańnia vykazali žadańnie dałučycca da Asacyjacyi vypusknikoŭ, jakaja ciapier stvarajecca.
U hałasavańni ŭziali ŭdzieł 138 vypusknikoŭ EHU. Jano stałasia zaklučnym etapam stvareńnia Asacyjacyi vypusknikoŭ EHU, jakaja niadaŭna zaćvierdziła svoj statut.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary