Ministerstva abarony Ukrainy adnaŭlaje budaŭnictva artyleryjskich kateraŭ prajekta 58155 «Hiurza-M», paviedamiŭ ukrainski Telehraf.
Budavać karabli buduć u Kijevie na zavodzie «Leninskaja kuźnia», skazaŭ kamandujučy VMS Ukrainy vice-admirał Siarhiej Hajduk. Płanujecca, što 2 katery, zdolnyja płavać i ŭ mory, i pa rekach, buduć pieradadzienyja fłotu da kanca 2015 hodu.
Braniravany kater raspracavany ŭkrainskim «Kaziennym daśledna-prajektnym centram karabielnaha budaŭnictva», maje daŭžyniu 23 mietry, šyryniu 4,8 mietra, asadku 1 mietr. Poŭnaje vodaźmiaščeńnie — 50,7 tony, maksimalnaja chutkaść — 28 vuzłoŭ. Ekipaž — 5 čałaviek, uzbrajeńnie — 2 dystancyjna kiravanych bajavych modula BM-5M.01 «Katran-M» (30-mm aŭtamatyčnaja puška, 30-mm aŭtamatyčny hranatamiot, 7,62-mm kulamiot, 2 supraćtankavyja rakiety «Barjer»).
Takija karabli buduć mieć za metu abaronu ŭźbiarežža, patrulavańnie, dapamohu desantnym, raźviednym i pamiežnym hrupam. Taksama «Hiurzy» zdolnyja atakavać i źniščać umacavańni praciŭnika, budynki, masty, braniatechniku, padtrymlivać ahniom svaje suchaputnyja vojski.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary