Prezident Ukrainy Piatro Parašenka svaim ukazam uvioŭ u dziejańnie rašeńnie Rady nacyjanalnaj biaśpieki i abarony ad 12 vieraśnia ab zachadach pa ŭmacavańni abaranazdolnaści dziaržavy i prapanovy da zakonaprajekta «Ab Dziaržaŭnym biudžecie Ukrainy na 2015 hod» adnosna artykułaŭ, źviazanych z nacyjanalnaj biaśpiekaj i abaronie.
Pra heta paviedamiła pres-słužba ŭkrainskaj prezidentury.
Urad pavinien zabiaśpiečyć adnaŭleńnie pačatkovaj vajennaj padrychtoŭki ŭ ahulnaadukacyjnych navučalnych ustanovach.
Kabinietu ministraŭ taksama daručana na praciahu miesiaca prapracavać pytańnie farmiravańnia aptymalnaj madeli zabieśpiačeńnia biaśpieki Ukrainy, u pryvatnaści, zaklučeńnia šmatbakovaha mižnarodnaha dahavora abo dvuchbakovych mižnarodnych dahavoraŭ Ukrainy ź inšymi dziaržavami ab nadańni Ukrainie dziejsnych harantyj biaśpieki dla abarony jaje suvierenitetu i terytaryjalnaj cełasnaści.
Akramia taho ŭradu daručana nieadkładna dapracavać prajekt dziaržbiudžetu na 2015 hod, praduhledzieŭšy pryjarytetnaść finansavańnia abaronnych prahram.
Praduhledžvajecca finansavańnie patrebaŭ nacyjanalnaj abarony na ŭzroŭni nie mienš za 3% VUP u hod. Heta najvyšejšy za čas isnavańnia niezaležnaj Ukrainy ŭzrovień.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert3
Kamientary